鮮入圍煮 (已搬遷) 新店位置

今日终于去咗一间想试好耐，但系又一直都无机会试嘅餐厅---鲜入围煮。喺旺角闹市嘅楼上舖意外地可以做到大排档嘅气氛，连餐具都选用70、80年代常见嘅碗、匙羹等等。欣赏完装修就讲吓野食……浓厚原只鸡煲花胶汤---好明显呢间又系汤底行先，鸡同花胶都好足料，汤头好香鸡味，好浓厚；花胶好大同好厚肉，一啖食唔哂成旧；虽然我抢输咗只鸡脾，但系鸡背都好滑。每人饮咗两碗汤先落野食，侍应好快帮我哋加汤，服务唔错。呢道最特别一定要讲吓佢个「海鲜档」，所有生猛海鲜都系自己去水池选择，可以保证系最新鲜！怕食唔哂，所以净系叫咗贵妃蚌我只可以讲：海鲜真系要新鲜先会特别鲜甜；另外点咗鲜鱼卜，食得出新鲜，大大只一啲都唔腥，正！打边炉一定要食牛肉，手切安格斯牛肉虽然无本地手切牛咁浓牛味，但系入口都好软淋，油脂好足；朋友点咗西班牙黑毛猪午餐肉，食得好滋味，不过我个人对午餐肉唔系太感兴趣，朋友推介：钟意食午餐肉嘅朋友可以试吓。另外，仲叫咗原粒带子水饺、芝士流心牛丸同埋娃娃菜，最后以爽滑弹牙嘅稻庭手打乌冬作结，完美！