麵屋 元祖達摩 (已結業)

早排喺Facebook见到呢一间餐厅嘅推广，见到拉面嘅配料系可以俾一个价钱然后仼食，感觉好吸引，所以就系星期六去咗呢间餐厅到试一试佢。去到先发现原来个优惠只限一至星期五，虽然有啲失落，但系都无阻我哋呢度食拉面嘅决心，我同朋友都照样嗌咗啲𩠌去试一试。我今次叫咗一个拉面系樱花虾汤底，汤底有啲咸，份量都足够，糖心蛋煮得啱啱好，叉烧都好大份，薄薄地，唔会太咸，拎嚟同面一齐食就啱啱好。另外仲叫咗小食，价钱都唔算太贵，值得一试。