影片
更多
2022-08-26
158 浏览
《T8 Japanese Cuisine - 中环》前排真系几乎日日都去食好西，食到个人咀都刁钻左😂无计，成日都系朋友带歇选择困难重症既我去食好野，所以次次都系俾朋友决定食咩🤓今次都唔例外，同朋友喺附近拍完野，朋友话佢今日book 左枱谂住同我去食铁板烧🤩咁为食既我有好野食当然系举脚话好啦😆呢间餐厅喺中环区中心地段，位置唔难揾当日朋友安排左食餐厅推荐既《夏祭海鲜套餐》我地被安排坐吧枱正对住师傅现场煮食既位置，所以全晚我地都可以睇住师傅大显身手😍当晚一共食左九道菜，中间仲有两款渍物，样样都好有特色可以介绍下：💁🏻♀️海胆松叶蟹肉果冻前菜系用高汤制作成果冻，入面有两片海胆同埋拆左壳既蟹肉碎，果冻质地有啲似食上海水晶肴肉果种，不过呢款果冻就会食到浓浓既蟹肉味，作为前菜几醒胃💁🏻♀️季节刺身二款刺身分别有北海道带子同埋巨肥美既呑拿鱼，果然系Fatty Tuna，入口溶左仲要好香鱼油味，可惜得两片🥺而带子系偏弹牙既果一款，唔会一咬就散开或者一pat pat，餐厅本身已经帮带子用咗青柠汁同埋岩盐调味，食既时候唔洗再点任何酱汁👍🏻食得出新鲜的💁🏻♀️蝾螺壶烧呢道菜我好钟意呀♥️蝾螺好弹牙同好鲜，店员话
前排真系几乎日日都去食好西，食到个人咀都刁钻左😂无计，成日都系朋友带歇选择困难重症既我去食好野，所以次次都系俾朋友决定食咩🤓今次都唔例外，同朋友喺附近拍完野，朋友话佢今日book 左枱谂住同我去食铁板烧🤩咁为食既我有好野食当然系举脚话好啦😆呢间餐厅喺中环区中心地段，位置唔难揾
当日朋友安排左食餐厅推荐既《夏祭海鲜套餐》
我地被安排坐吧枱正对住师傅现场煮食既位置，所以全晚我地都可以睇住师傅大显身手😍当晚一共食左九道菜，中间仲有两款渍物，样样都好有特色可以介绍下：💁🏻♀️海胆松叶蟹肉果冻
前菜系用高汤制作成果冻，入面有两片海胆同埋拆左壳既蟹肉碎，果冻质地有啲似食上海水晶肴肉果种，不过呢款果冻就会食到浓浓既蟹肉味，作为前菜几醒胃💁🏻♀️季节刺身二款
刺身分别有北海道带子同埋巨肥美既呑拿鱼，果然系Fatty Tuna，入口溶左仲要好香鱼油味，可惜得两片🥺
而带子系偏弹牙既果一款，唔会一咬就散开或者一pat pat，餐厅本身已经帮带子用咗青柠汁同埋岩盐调味，食既时候唔洗再点任何酱汁👍🏻食得出新鲜的💁🏻♀️蝾螺壶烧
呢道菜我好钟意呀♥️蝾螺好弹牙同好鲜，店员话厨师先将螺肉取出再切片，再放番入壳用特制高汤连壳煮滚，上枱既时候个壳仲系好热，摸上去辣手嘅🥲不过个高汤因为咁所以超级鲜甜😆我恨不得将成个壳拎起嚟直接饮晒入面啲汤
💁🏻♀️铁板烧蛏子王
终于到厨师即席烹调既时候，师傅几下身手将蛏子放喺铁板上面煎煮，香喷喷，个个都围住影相🤓往往新鲜既食材就只需要简单既烹调👍🏻蛏子王有两种不同既口感，近头部分比较弹牙同紧致，而裙边位置就比较鲜嫩
💁🏻♀️铁板烧明太子煮蚬
又系要饮晒啲汤既菜式，师傅用咗清酒连壳煮熟啲蚬，蚬肉煮得刚刚好咬落无渣，每人都分到七、八粒，上面既明太子有提鲜既作用，令到个汤更鲜甜，清酒喺煮嘅过程中将入面嘅酒精挥发晒，所以唔惊饮完个汤醉醺醺🥴
💁🏻♀️铁板烧斑马濑尿虾
一到餐厅已经见到啲濑尿虾喺枱上郁来郁去等我地今晚食佢🤩师傅喺铁板上面煎香左濑尿虾再起肉，大大条饱满既虾膏露左出黎😍师傅再放左啲乌鱼子碎喺虾肉上面，令海鲜味更出，同埋乌鱼子碎本身自带天然咸香味，所以食濑尿虾既时候就唔洗另外再点调味😋
💁🏻♀️樱花虾炒饭
去到主菜就梗系食炒饭架啦😎又到师傅表演既时候，饭炒得干身而且粒粒分明，大量樱花虾令到成碗饭都好有口感，师傅好细心炒之前问我哋要唔要葱花、使唔使走葱，十分贴心👍🏻咁啱全枱人都啱食所以就按照师傅做法去炒啦🫶🏻
💁🏻♀️鲷鱼浓汤
鲷鱼浓汤同埋炒菜系一齐端上嘅，食完炒饭后我首先试佢个炒菜，一食先发现个菜有阵松露味😍原来师傅喺炒嘅过程落咗白松露酱，令到本来平平无奇嘅炒杂菜多咗一阵香气👍🏻而鲷鱼浓汤作为结尾前真系非常适合，鱼汤本来就比人感觉非常滋润同充满胶原☺️餐厅提前将个鱼汤隔左渣，净返汤既精华端上比客人，客人可以一饮而尽😌饮完个胃暖笠笠好舒服
💁🏻♀️香蕉天妇罗配红豆雪糕
最后上嘅甜品有香蕉天妇罗配上黑糖红豆雪糕，再喺上面淋上黑糖酱，黑糖红豆雪糕唔会太甜，冻冰冰衬托返香蕉天妇罗脆脆地既质感😆如果唔怕太甜嘅话可以用个香蕉点少少佢个黑糖酱，甜丝丝的为呢一餐作一个圆满嘅结尾♥️
张贴
