S2 Kitchen (已搬遷) 新店位置

之前系中环返工既时候已经好想黎试呢间日本野，但奈何每次经过都full house，今日难得有位就黎试下。见到个海胆杯果下已经哇左一声，d海胆多到满泻咁制，每食一口都要小心翼翼怕佢跌出黎。海胆杯材料非常丰富，有大量既海胆之余，仲有黑鱼子、海葡萄、吞拿鱼白虾同蟹肉。由于每一层既配搭都唔同，所以食落每一啖都有唔同既惊喜，而且每样食材都非常新鲜，食完真系有种幸福既感觉。碳烧蚝呢个真系不得了，蚝味好鲜好突出，食完系意犹未尽！必推！刺身拼盘帆立贝好鲜甜，放系柠檬上面增添左d清新既味道；牡丹虾 好大只，而且肉质鲜嫩。鹌鹑蛋串炸即炸热辣辣，外层炸好好酥脆，又唔厚粉，正！芝士鱼饼鱼饼爽口弹牙，咬落啲芝士系爆出黎，好正！滑蛋猪排饭首先份量系好大份，2个人都系勉强食得完。d蛋非常滑，好食到净系用d蛋送饭都够。 猪扒帮你切好晒，非常贴心。