蛇王恩 (已結業)

见早排冻冻地，所以约埋几个『蛇友』去食蛇羹。其实我好耐好耐都冇食过蛇羹咖喇，所以都唔系太记得啲味道系点咯。『蛇友』们个个都叫咗碗中size蛇羹再加一个糯米饭嚟食。蛇羹一到，我就觉得同以前有啲唔同，或者系每一间嘅做法唔同啦。记得以前食嘅，系冇柠檬叶丝咖。不过唔紧要啦，试咗再讲。碗蛇羹就真系好足料，但系同我以前食过嘅蛇羹比较，呢度就『水』咗啲喇，一啲都唔冇『羹』嘅效果啰。同埋略微腥咗少少。糯米饭就麻麻地喇，可能蒸得太耐，所以好『淋』呀。总抬嚟讲，佢地用料真系好足，但好可惜，可能同我儿时食过有几大出入啦，所以唔会令我会再去食啰。