小城鎮 (已結業)

睇个标题都知中哂伏啦，已经唔想打咁多字， 但无200字又比唔到负评， 今次真系辛苦宝宝了。餐厅位于北角明园西街，我系外卖自取的， 睇餐牌d价钱唔贵， 有饭，意粉同手工pizza。今日叫左鲜虾卡邦拿意粉， 蕃茄手工肉丸意粉，黑松露烤西冷扒饭。鲜虾卡邦拿意粉，正正常常， 忌帘味浓， 鲜虾爽滑弹牙。蕃茄手工肉丸意粉，手工肉丸味道不错，蕃茄味丰富。以上2个意粉都尚可， 但精彩的野通常放到最后的， 黑松露烤西冷扒饭，一打开个盖都知出硬事。 块牛扒d颜色，一望就知熟到爆， 一切开，望到肉身，同我估计的一样，咬落去， 好似咬紧橡筋咁， 咬极都咬唔烂，唔通想训练我d牙力？ 重有个饭系无汁的， 十成熟牛扒配干争争白饭，叫人点食呢？最最最离谱系个甜品， 一but起， 点解咁水既？ 细细试一啖，酸的， 肯定系坏左。 我估计呢个饭系午餐留到晚餐再比人食。 唔系牛扒点解咁熟，个甜品重系坏左呢。 Sorry, 永不回头。