影片
更多
2024-11-24
274 浏览
天气虽然凉咗，但打边炉可以打到咁都实在太丰富。叁不馆位于天后嘅火锅店”叁不馆”，英文名系更诙谐嘅”City of Darkness”。行到入去，系非常怀旧嘅环境。而且佢嘅怀旧并非净系喺啲装修同墙上，就连枱凳、器皿同menu，都好似流露紧几十年前香港嘅特色，加上略暗嘅灯光同有特色嘅射灯，成晚食落系非常有怀旧气氛。讲嘢食之前，要提提大家，而家follow餐厅社交平台可以以一次过以$10买10支啤酒(即一蚊一枝)。跟住要讲讲酱料。佢嘅自家制葱油酱同沙嗲酱都系甚有特色，建议可以攞多啲，反正已经酱油钱已经包咗($18/位)😅。咯咯鸡花胶汤 $298非常大份嘅花胶同鸡，不过成个汤嘅重心喺个汤度，饮落非常够味，系咩都未食之前，先饮一碗暖身😍。苏格兰蛏子 ($58/只)极新鲜大只，绝对唔可以睇小。海中虾半份 $88海中虾好弹牙，亦够大只，点豉油一流日本扇贝 ($38/只)同样新鲜大只，果然系日本嚟嘅海鲜，最重要系抵食。大连鲍鱼 ($38/只)大只弹牙，又系抵食嘅海鲜之一。顶级安格斯牛颈脊(大) $368以三百几蚊嚟讲，呢盘牛颈脊算相当大份，仲未计，其实佢系切得几厚，两个人食嘅话系足够有余。牛颈脊当然系
叁不馆位于天后嘅火锅店”叁不馆”，英文名系更诙谐嘅”City of Darkness”。行到入去，系非常怀旧嘅环境。而且佢嘅怀旧并非净系喺啲装修同墙上，就连枱凳、器皿同menu，都好似流露紧几十年前香港嘅特色，加上略暗嘅灯光同有特色嘅射灯，成晚食落系非常有怀旧气氛。
讲嘢食之前，要提提大家，而家follow餐厅社交平台可以以一次过以$10买10支啤酒(即一蚊一枝)。跟住要讲讲酱料。佢嘅自家制葱油酱同沙嗲酱都系甚有特色，建议可以攞多啲，反正已经酱油钱已经包咗($18/位)😅。咯咯鸡花胶汤 $298
非常大份嘅花胶同鸡，不过成个汤嘅重心喺个汤度，饮落非常够味，系咩都未食之前，先饮一碗暖身😍。
苏格兰蛏子 ($58/只)极新鲜大只，绝对唔可以睇小。
海中虾半份 $88
海中虾好弹牙，亦够大只，点豉油一流
日本扇贝 ($38/只)
同样新鲜大只，果然系日本嚟嘅海鲜，最重要系抵食。
大连鲍鱼 ($38/只)
大只弹牙，又系抵食嘅海鲜之一。
顶级安格斯牛颈脊(大) $368以三百几蚊嚟讲，呢盘牛颈脊算相当大份，仲未计，其实佢系切得几厚，两个人食嘅话系足够有余。牛颈脊当然系打边炉最适合嘅牛肉之一，肥瘦兼备，又有肉质。我一向认为打边炉最啱嘅牛肉就系牛颈脊同牛小排。
招牌午餐肉饺 $80午餐肉饺？冇错，咬落去入边系一大粒午餐肉，好特别，比起普通午餐肉更适合打边炉。
新鲜炸响铃 $68全晚最抵食嘅嘢，$68有八件即炸响铃，而且系非常大件，两个人叫都要考虑吓😂。
珊瑚蚌 $128份量足够多，唔再系散修修得三两件嘅珊瑚蚌，咬落好有质感层次，好满足。
新鲜肥鹅肠 $96特别隐藏美食。肥鹅肠比一般鹅肠会多啲脂肪，但同时肠嘅份量同阔度会大好多，加上餐厅比嘅份量好多，其实几个人食都够。
虾胶油炸鬼 $78用上两种唔同嘅虾胶同油炸鬼炸成。除咗外型美观，食落口感亦好丰富。要留意呢度菜式系生嘅，要煮熟先食得。
竹蔗茅根海底椰 $48一揸海底椰够甜够冻，两个人饮啱啱好。
呢度除咗环境酱料嘢食都有特色外，店员嘅服务亦好周到，例如佢哋会提示唔同食物嘅烹调时间，亦会主动帮忙加糖等等，算系几贴心。表面上嘢食价钱唔算平，但每样嘢嘅份量都几多，或者好大件，计返埋其实都算抵食。入冬了，系时候要嚟多几次！
张贴
