影片
更多
2018-03-26
44 浏览
人生有几多个十年，今日就系我同大少嘅十周年纪念日，当然要好好庆祝一下啦！之前都有留意到Amina 梗系叹返8个courses啦！首先要赞一赞呢度嘅店员，当日天气比较凉，我哋一入到去嘅时候点样已经问我地需唔需要提供热水，虽然呢一个动作好简单，但系咁贴心嘅举动真系唔系𠮶个店员都会做。绝对要比返十个赞佢！ 既然一早已经决定咗要食呢一个八个course嘅餐，就随即落order !之后店员就俾咗一个面包篮同埋配面包嘅酱俾我哋，面包同埋酱汁都系佢哋自家制，非常有水准！平时食亲Parma ham都系配蜜瓜，今次就特别啲，呢度系配蜜瓜汁嘅。食完咸咸嘅火腿，饮啖蜜瓜汁清一清个口，真系几得意！接着就有依个北海道带子食，用火枪轻轻烧一烧个带子表面，做出一个好香嘅味道！带子个口感不嬲都系比较软身，配上有口感嘅藜麦同鱼籽真系几夹！呢个M9和牛他他，配搭上一块脆饼，饼上边有几种唔同嘅酱，各有特色。同他他一齐食，好似有唔同层次嘅味道喺个口度咁呀！接着嘅就系龙虾汤，比我想像中冇咁杰身，味道都几香啊！当然如果有多啲龙虾肉就更好啦！碟嘅旁边佢有少少虾子，你冇听错，真系虾子面𠮶啲虾子啊！加埋落去个汤度一齐饮，啲香味就更加浓
首先要赞一赞呢度嘅店员，当日天气比较凉，我哋一入到去嘅时候点样已经问我地需唔需要提供热水，虽然呢一个动作好简单，但系咁贴心嘅举动真系唔系𠮶个店员都会做。绝对要比返十个赞佢！
既然一早已经决定咗要食呢一个八个course嘅餐，就随即落order !之后店员就俾咗一个面包篮同埋配面包嘅酱俾我哋，面包同埋酱汁都系佢哋自家制，非常有水准！
平时食亲Parma ham都系配蜜瓜，今次就特别啲，呢度系配蜜瓜汁嘅。食完咸咸嘅火腿，饮啖蜜瓜汁清一清个口，真系几得意！
接着就有依个北海道带子食，用火枪轻轻烧一烧个带子表面，做出一个好香嘅味道！带子个口感不嬲都系比较软身，配上有口感嘅藜麦同鱼籽真系几夹！
呢个M9和牛他他，配搭上一块脆饼，饼上边有几种唔同嘅酱，各有特色。同他他一齐食，好似有唔同层次嘅味道喺个口度咁呀！
接着嘅就系龙虾汤，比我想像中冇咁杰身，味道都几香啊！当然如果有多啲龙虾肉就更好啦！碟嘅旁边佢有少少虾子，你冇听错，真系虾子面𠮶啲虾子啊！加埋落去个汤度一齐饮，啲香味就更加浓郁啦！
平时我喺屋企都会耐唔中整啲温泉蛋食下，呢度都偷到师㖞我！佢加上咗一啲芝士碎同黑松露，完全吊起咗个味，好正！
我好失策地唔记得影打开咗盖个样，其实呢一个系sorbet ，厨师好聪明地拣咗番石榴来做sorbet，将之前食过浓味嘅嘢都从舌头抹走。坦白讲，呢个sorbet系到而家都会挂住😍
厨师好好，因为我唔识鹅肝，所以就只系比一份鹅肝大少，而我呢就转咗做云吞。大少就话鹅肝煎得刚刚好，油香好够；我个意大利云吞入面，就有芝士，唔好以为净系芝士就好腻，我反而只系觉得好香！亦都冇过分调味，赞！
Main course方面，我就梗系会拣我最钟意嘅鱼啦！seabass嘅皮劲香脆，加分！但系个鱼肉就鞋咗少少喇。
大少就拣咗牛面肉，配埋啲菇一齐食。味道唔错，肉味偏浓，如果分量大啲大少会更欢喜呢🤣
去到尾声，当然就系甜品啦！草莓慕丝就梗系用士多啤梨黎整啦，真系好似食紧好多粒士多啤梨一样，仲好似有少少cranberry嘅味道。侧面嘅脆脆，绝对唔系配角，因为真系超好食呀！加埋少少蜜糖味嘅jelly，好满足啊！
最后，当我地叹紧咖啡嘅时候，店员就送上最后一道菜-雪影。系有五粒朱古力组成，我最钟意嘅就系榛子𠮶粒，配埋咖啡啲香味真系不得了！
太耐冇撑枱脚，今晚真系好开心好满足！希望大小
少多啲带我出去食好嘢啦，唔系一定要有咩喜庆先可以庆祝㗎嘛！
张贴
