千の味刺身壽司專門店 (海福花園商場) (已結業)

今晚屋企人突发话唔想煮饭，但又唔想出街食，话想食寿司，原来系挂住千之味嘅外卖寿司。🤣我呢个孝子收到 Order之后，即刻飞出去买怕饿亲阿妈。😝母亲大人指明一定要食三色花之恋、带子寿司、特大赤虾寿司。佢老人家非常识食，呢几款都系千之味嘅招牌寿司，我自己每次都会叫。🤭另外叫左墨鱼寿司、三文鱼腩寿司、三文鱼寿司、芥末八爪鱼寿司、吉列炸虾卷 。每件寿司都大大件，吉列炸虾卷就算返到屋企仲好脆口，芥辣八爪鱼寿司上面啲八爪鱼多到泻，母亲大人话今次食得好满足，话下星期要再食过。🤭