Shaz Confections (已結業)

Facebook上面成日都見到有呢間千層蛋糕店嘅報導，出左好吸引人嘅紫薯綠茶味同班蘭味，確定去試試！店舖鋪位唔算大，但裝修令人好舒服，好放鬆。最後當然叫左紫薯綠茶同班蘭各一件！賣相咁吸引，當然相機食先！ 本來最期待嘅紫薯綠茶味，反而普普通通。 本來好奇一個cake點可以將紫薯，綠茶，兩種香港甜品味道嘅熱潮融合，但一食落去紫薯嘅味道完全蓋過綠茶，唔係太食到有綠茶嘅味道。蛋糕嘅皮略嫌太軟，無食千層蛋糕嘅口感。另外order嘅班蘭味反而有驚喜！班蘭味好香，千層蛋糕嘅皮唔會好似紫薯個件咁軟，真係有感覺到自己係食緊千層蛋糕。總括而言，佢出嘅千層蛋糕味都好特別，值得一試！尤其係班蘭！