影片
更多
2013-03-30
36 浏览
寻晚(29-3-2013 Fri耶稣受难日)一大班人烧完o野食后,8:45pm左右话走喇,好似系女友人F提议食甜品,佢同女友人CI讨论去葵芳定荃湾食,CI就摆我上枱,话如果我都去就去荃湾食.我o地觉得葵芳唔多甜品舖,于是我一口答应.由于有小朋友要返屋企瞓,同男友人LKL约o左人,所以最后得返7个人一齐食,我o地o黎到荃兴径,我发觉有一间我食过o既执o左(o衣o家o系openrice睇返,系五代同糖),之后见到一间已经爆o左要等位o既,我o地继续向海霸街行,见到浅草重有位,但女友人F话呢间唔好食.咁向右转啦,我话有松记(不过我心谂,唔好食呢间啦,又贵又一般),又有月头同男友食过o既主打西式甜品o既明师傅,但佢o地见多人,而且我话呢间友记系好耐,而友记仍有位,CI就造 咁呢间啦.OK,我o地7个人坐出面,各人叫自己o既甜品食,我要$24.00o既朱古力布甸,女友人WK要$29.00o既南山风情绵绵冰,女友人F要好似$29.00o既杨枝甘露,女友人S要好似$25.00o既唔知咩o野芒果西米露之类o既o野,女友人W同男友人CL都拣o左$33.00o既热o既椰子炖品系列,我唔记得W要咩喇,CL
由于有小朋友要返屋企瞓,同男友人LKL约o左人,所以最后得返7个人一齐食,我o地o黎到荃兴径,我发觉有一间我食过o既执o左(o衣o家o系openrice睇返,系五代同糖),之后见到一间已经爆o左要等位o既,我o地继续向海霸街行,见到浅草重有位,但女友人F话呢间唔好食.
咁向右转啦,我话有松记(不过我心谂,唔好食呢间啦,又贵又一般),又有月头同男友食过o既主打西式甜品o既明师傅,但佢o地见多人,而且我话呢间友记系好耐,而友记仍有位,CI就造 咁呢间啦.
OK,我o地7个人坐出面,各人叫自己o既甜品食,我要$24.00o既朱古力布甸,女友人WK要$29.00o既南山风情绵绵冰,女友人F要好似$29.00o既杨枝甘露,女友人S要好似$25.00o既唔知咩o野芒果西米露之类o既o野,女友人W同男友人CL都拣o左$33.00o既热o既椰子炖品系列,我唔记得W要咩喇,CL o既料就好似系雪耳同雪梨,而女友人CI就最拣冻o既椰子炖品,$33.00o既咩o野汤丸西米露.
我落单时,个男友问我要咩o野雪糕?我答云呢拿,佢话要睇睇有冇.我心谂,咁普通o既雪糕唔会冇呀?佢返出o黎答有.
好,所有o野到齐,
女友人F未食已经话杨枝甘露好差,冇乜西柚肉,又稀,女友人S都捞一捞佢o既甜品,话系㖞,佢o既都多过F o既.然后我食我o既,个雪糕球好大个,重有画个笑样,不过倒转o既=.=”,而朱古力布甸细细个,朱古力味唔太浓亦唔太甜,混埋雪糕食OK o既.
炖品系列呢,佢o地应该觉得对办吧.而WK o既南山风情绵绵冰呢,由于CI要求试食一啖,佢就个个都畀啲,唔….几甘,可能南山咖啡系咁o既味o挂.
最后CI o既甜品都到o黎,内有三粒汤丸,系芝麻味,佢又冇畀comment,我谂OK啦.
价钱:
我o地埋单时,大家都各自各畀自己o既,夹齐后共$212.00,由于人多,CI就做代表畀,其他o既就行去冇咁多人o既地方等.点知等好耐,佢走o黎话畀少o左㖞,我o地睇返之后写o左价钱o既单,我揾唔到$24.00,取而代之o既系$30.00.咩o野$30.00呀?我就同佢o地行返去睇menu,发现原来隔离有个雪糕朱古力布甸系$30.00.=.=”系个男仔搅错o左,以为我叫雪糕朱古力布甸,其实我班friends都听到我系叫朱古力布甸,冇讲过雪糕,不过唔食都食o左,照补返$6.00啦.
早知$6.00买个咁普通o既雪糕球,我就拣特别味道啦,而且班friends都搅笑话,唔怪得个画o左个笑脸o系雪糕上面,代表佢o地赚多几蚊.我就话唔又怪得系倒转,寓意我会畀得唔开心.老实讲,$24.00咁细个布甸已经唔抵,重要畀多$6.00买个我冇谂话要o既雪糕球,系有啲唔甘心啰.
服务:
除o左上述事件外,妹妹佢o既态度都好一般,开头见我o地咁多人,就好殷勤咁招呼我o地,但女友人CI o系menu里面揾唔到炖品系列问问佢时,佢就有啲唔耐烦答同帮佢揭.
味道分系2.57分
张贴
