友記甜品 (已結業)

食飽飯搵甜品舖，成日經過都無食過，所以就去試下。去到門口有好多人等緊位，好彩都好快有得入去，可能兩個人唔洗等咁多張枱。環境衛生一般，一坐低發現枱仲有椰汁，而餐牌已經放左係上面，沾左好多汁。因為多人所以坐得好迫，要搭枱，大動作少少都會撞到人，會尷尬。兩個人叫左兩個綿綿冰，賣相唔好睇，一堆野咁，豆腐味上面有d好隨心唧既朱古力醬同彩針，對比色強烈，朱古力味就無咁大對比。兩個味道都還好，比較鍾意豆腐味，清甜dd，但兩個都無驚喜。

係荃灣食完牛扒，天氣咁熱緊係同朋友食埋糖水先歸家啦，順便傾多陣計嘛。星期六既關係，到處都勁多人，間間都爆曬，企到出門口！等左好耐，仲比人打左幾次尖先有位坐底⋯⋯坐底就即刻叫左個芒果水晶凍粉$38芒果唔酸，但亦唔係太甜，水晶粉都夠凍，整體都算唔錯！透心涼得黎，又唔會凍到牙震震！朋友叫左個蛋白燉鮮奶 $32好普通，又唔會難食，只係無乜特別。食落暖暖地，唔會太熱！另外仲叫左2個夏日戀人$40/個〔1個朱古力雪糕，1個雲呢拿雪糕〕賣相幾特別，用椰皇裝住益力多沙冰，再放上芒果同雪糕，沙冰入面仲有其他配料例如：珍珠，令到口感豐富，不過沙冰太凍，好快食到牙震頭痛😂整體都係一般，普通啦！

夜既1點幾去到荃灣路得圍諗住食個糖水小食，去到得返呢間糖水鋪有開 ，入到去叫左個西瓜黑珍珠，同埋炒腸粉！唔知西瓜係咪唔係當造 所有偏酸啦！所以成碗野只可以用難食黎形容🤦🏻‍♀️又酸加椰汁奶既甜！個程酸甜感覺好頂癮🙄食左4舊西瓜🍉就真係食唔到！因為佢啲椰奶係gem 架！咁都唔緊要就好期待個腸粉，我見隔離左右全部都係叫小食多！咁就試下腸粉 ！黎到佢就連芽菜一齊上，芽菜我本身唔食，所以比唔到評語，腸粉就熱辣辣，但就唔係好入味，只係覺得好油，好似油腸粉咁

星期六晚在荃灣大會堂看完朋友的表演，一行三人來到路德圍搵甜品食。這邊一連幾間甜品店，好多都要排隊，非常旺場！眼看已經快10時半，住得遠的兩位朋友打算快快吃完回家，看到友記有位，就鑽了進來。甜品的選擇好多，填滿厚厚一本menu，更有幾款小食供應，實行大包圍，梗有一款對你胃口。落單幾方便，在已過膠的menu上用箱頭筆做記號再遞給店員就可，幾環保，這點可以讚下。我的蛋白燉鮮奶，賣相不太靚仔，食落中等程度滑，甜度可以接受。台式珍珠加木瓜，朋友沒說什麼，我想也是正常味道。合桃糊加湯圓，朋友說有點難吃，溝太多粉，沒能完成……

白色世界$36同普通甜品鋪大同小異，有西米，椰汁糕，芒果。芒果都算新鮮可口，而其他配料就不過不失。黃金方塊$36同上，不過加咗涼粉嘅配搭入口有清涼嘅感覺，都算唔錯。

黃金方塊 $36 （芒果、椰汁糕、涼粉）荃灣海霸街糖水店林立，選擇多不勝數！除松記外，我偏愛友記這家店。因為很多時也不用等位。🤭•除了點它的小食（例如：炒腸粉、炸魷魚鬚），每次光顧也只會點黃金方塊😬。朋友有試過點其他糖水，很不幸地中伏了。🤷‍♀️•👍 我點它的原因主要是因為想吃椰汁糕🥥，是整個糖水的主角😋！但椰汁糕份量實在太少了，只有約6粒。😢-芒果很甜美🤤。-👍 涼粉配上椰汁，不錯不錯。•回頭指數：710 (小食和黃金方塊是ok 的，其他糖水便小心選擇，不知會否中伏🤷‍♀️）

其實呢條街真係有好多甜品店，而我又第一次嚟 "搵食"，所以真係好難㨂食邊間。同友人睇到友記招牌寫住 "首創水晶凍粉"，又未試過水晶凍粉，所以就㨂左呢間啦！有2個QUOTA，無理由都點水晶凍粉，所以另一碗選了鮮雜果QQ涼粉，因為唔知佢點QQ法呢等了沒多久，甜品就送到枱上！賣相同餐牌一樣咁靚！好，先介紹主打水晶凍粉，選了無得輸的芒果！果然好特別，水晶凍粉真的很凍，透心涼果種，盛夏來吃一定可以降溫！而且口感是QQ彈牙的，不是像大菜糕般，所以喜歡這質地的朋友一定要試！芒汁底亦很清甜，不算太甜，甜度剛好。鮮雜果QQ涼粉： 這款出乎意料之外的好味！鮮雜果很新鮮，除了涼粉外，那白色半透明的CUBE內有點種子，口感仍很QQ。這東西我第一次吃，所以感覺很清新呀！加上花奶，變得更香滑可口。（不吃花奶的朋友記得要走花奶呀！）以香港寸金尺土來說，一般糖水鋪的座位都很迫，但友記的座位尚算寬敞！而且價錢合理，分量充足，有機會我會再來！可以進步的就是餐具有點點舊 （可看得出有點歲月的㾗跡），及 SPOON太厚，有點重！希望店主可以考慮換一批新的餐具就PERFECT哪！

今天很夜才於天水圍放工，真的累透。友人突然地問要不要一起吃甜品，心想既然已那麼夜了，便讓自己也試試即興來個甜品會怎樣，最後來到友人的地頭荃灣區覓食!這間糖水店10時多人流也不算太多，款式也算多選擇，最後來個輕盈一點的燉蛋白，而友人則選了楊枝金露。燉蛋白賣相不算討好，用手摸一摸也感覺到熱度不夠，吃下去更感覺到不夠熱，蛋白不算滑身，甜味比奶味更濃，有點失望，吃整個真的太甜了，甜品控表示受不了。友人的我只吃了一些鮮果，沾上的芒果汁亦感覺不錯。但我相信荃灣區要吃甜品會有更多更好的選擇，但今次總算挑戰一下自己也不錯。

友記係荃灣都開左好多年，之前係荃灣返工，間中都會收工黎食下宵夜，鍾意佢熟食即叫即整熱辣辣，但今日因為已經食左飯，所以食個甜品算了。俾隔離檯吸引到叫左呢個小型西瓜盅，除左有西瓜粒同哈蜜瓜粒外，入面仲裝住椰果，涼粉同珍珠，而雪糕亦可以揀其他味，食晒內餡後，仲有好多西瓜肉可以挖出黎食，非常鮮甜多汁，夏天食真係份外消暑。友人最愛食心太軟，所以另一樣叫左朱古力心太軟配雲呢拿雪糕，心太軟切開即時有朱古力漿流出，熱熱既朱古力漿加上冰凍既雪糕，非常好味。

荃灣海壩街，也就是福來村附近有許多食肆林立，韓國菜、日本菜、泰國菜、魚蛋粉、茶餐廳、burger、過橋米線等通通都可以找到，理髮店in-n-out就有2間，可謂總有一間係左右。荃灣海壩街官立小學正對面有幾間甜品店，下午突然下傾盤大雨，我隨便入去其中一件甜品店避雨順便吃一碗糖水。入了去才知這間甜品店叫友記，下午4點左右店內空空如也，只有一對母女在吃下午茶。我點了我最喜歡的腐竹糖水，和別處不同，這裡的腐竹糖水是連雞蛋的，我記得滿記加隻蛋要$7，而鴻輝記加蛋也要$5，而這裡的腐竹雞蛋糖水是$24，是貴是抵要吃過才能下判斷。糖水的品質比鴻輝記好，口感香濃幼滑，比起滿記，這裡的腐竹糖水不只多了雞蛋，還有看得見、咬得到的銀杏和薏米。滿記的腐竹糖水沒錯是有銀杏味但看不到銀杏的影子，也許只是用了銀杏粉而不是整顆銀杏；而友記的則不同，大大粒的銀杏，給客人滿滿的信心，附贈的雞蛋也不錯，蛋心呈現微液狀，有溏心蛋的感覺。糖水端上來時，店員還很客氣說一句「慢慢食，坐耐d」。這樣親切的服務態度居然不收加一，雖然同樣的糖水在鴻輝記只賣$17，但友記的腐竹糖水不只多了一粒蛋，還多了一份友好的態度。

今日同老公陪完屋企人食飯之後，心思思想落去路德圍食個糖水，好多人都知路德圍有好多間糖水舖，但我一路都比較傾向食友記。一黎佢係開得最耐，二黎佢仲有小食，三黎糖水款式比較好味。我今次食左個涼粉雪糕椰汁糕：天氣咁熱，梗係要食個涼粉加雪糕cool down 下，涼粉當然都係街市買個d，但特別在配埋椰汁糕，本身我好中意食椰汁糕，呢度嘅椰汁糕夠香椰汁味，但又唔會太甜，一流。連埋個雪糕一齊食真係透心涼。老公叫左個楊枝甘露，老公話好香芒果味，柚子又唔會太苦太甘，都好多芒果下。我女食左個芒果布甸，個面都好多芒果肉，唔會太甜，我女好快食哂。

每次黎到我只會食一種甜品就係椰盅，今次叫左萬壽椰盅，入面有木瓜，海底椰，椰汁。原個椰皇上，但唔會太甜，味道剛剛好，但略嫌太小海底椰，如果多返d會更好。我妹食左一個益力多沙冰，但佢話陣味好似洗潔精，好難食....

上回講到朋友係荃灣番工 順便係荃灣食晚飯食完晚飯重有好多野想傾 決定去糖水經過海壩街 幾間糖水鋪痴埋一齊 都唔知點選擇好 最後友記有個員工叫我入去試下 決定入去睇完MENU之後心諗咁多花款既 好多選擇 決定叫左個 友記招牌菜 椰皇系列既萬壽椰蹤 同 芒果西米露講下個椰皇先 有凍有熱 好足料 有果肉有雪梨...... 食左一啖 好易入口 唔會話太甜 我見周圍都好多人食呢個甜品 必食啊再黎個芒果西米露 芒果肉都有半隻芒果咁多 下次要叫小D花奶 如果唔係食唔到芒果肉果種味道價錢黎講 同出面無大分別 但味道好食D

我食左椰王三雪有熱好凍我就choose 左熱既因為女仔飲左啲熱野健康啲呀我覺得都幾足料因為我可以口口都食到入面啲料有果肉雪梨雪耳等等仲幾甜Tim我覺得味道都是來自果肉的不是添加了很多糖而且甜度都剛好再加上有好多料所以都幾抵食我朋友就食左芒果西米露都幾好有大大舊芒果又大碗

見到咁多腐皮，但朋友見松記有位都堅持選擇友記，死就死啦，橫豎明師傅都死咗一次，於是抱住必死嘅心態上戰場，零期望所以零失望，反而有少少驚喜上枱時姐姐會用溫柔嘅聲線細心提醒小心熱 但一睇個面凹哂離哂邊乾乾哋就知唔係即焗，係咁二reheat一吓尚算足料，起碼見到栗子，係預期中嘅味道，唔會過甜，不過西米啲色怪怪哋，係螢光黃色，但非即焗其實已經扣咗好多分