尚海人家 (宏基商業大廈)

营业中

休息中

千祈唔好以为有米芝莲同埋发哥嘅加持一定好 ！！！今日路经上环，见到呢间舖头贴咗发哥张相出嚟咪顺便买外卖返公司食，点知中伏。买咗排骨菜饭，大碗鸡丝酸辣汤加两只招牌生煎饱。首先讲吓酸辣汤 ：个汤得个酸字、冇辣味，亦冇食材应有嘅味道，简直唔似酸辣汤，汤大量打芡，冇乜料，入面几乎揾唔到鸡丝，全部系木耳丝、少量笋丝加几粒豆腐，汤多过料，所有材料加埋都占唔整碗汤嘅十分之一。排骨菜饭，排骨好柴、好咸，调味料过重，令到排骨冇咗应有嘅质感及肉味，而个菜饭份量唔多，淡而无味、亦香气欠奉。招牌生煎饱系有汁，不过啲肉冇鲜味，完全唔称得上好食。以上咁嘅水准仲话系由前米芝莲推介嘅厨师主理，食物水准低成咁真系点收人钱？成套餐加埋 80 几蚊，咁嘅价钱系上环甚至中环都可以揾到比呢间好好多嘅选择。