蠔站 (亮賢居)

营业中

休息中

上次叫咗个蚝站至尊pizza加卡邦尼意粉合共三百几蚊。个Pizza系冻嘅，冇错系冻嘅！serve一个热嘅Pizza究竟有何难度？Size非常细，对比起佢嘅价钱简直系一啲都唔值。长方形六细块，每块应该两啖可以食完。上边嘅配料真系除咗茄汁之外几乎乜嘢都揾唔到。坚硬嘅程度有如喺焗炉翻焗左三四次以上。求其喺超级市场买嘅任何一款冷冻Pizza都俾佢更加优秀。重点系收人哋差唔多两旧几水，俾啲咁嘅嘢出嚟究竟有冇良知？咁样去呃啲顾客究竟天理何在？个意粉就好一般。劝大家如果有其他选择根本就唔需要帮衬呢一间野。