影片
更多
2023-01-30
993 浏览
话说疫情咁耐未同囡囡大搞过生日，谂住book间好啲靓啲嘅比囡囡搞生日，咁我揾到尼间餐厅，是是正正，就问下啦。𠮶时谂住book晏昼，间野系咁催我落订又成，点不知想落订先同我讲得返夜晚两个钟，我都照订啦，谂住开开心心，收我$13000 ，30个人，心谂应该都唔差啦，最后我加多左七位佢话加钱，我都OK照加。.之前已经WhatsApp佢同佢讲，话我会布置佢哋都冇乜反应，然后去到先同我讲话要收清洁费$500，都唔紧要，我已经提前同佢哋讲过我要布置可唔可以比半个钟我，然后我去到佢就话唔可以，净系可以俾多15分钟我，都ok我明白人地都系做生意，我book嘅时间系七点至九点，我搞掂布置7:15，个员工已经过嚟同我讲，你哋最好切咗蛋糕先，同埋厨房8 点last order，我book七至九，我都系坐低15分钟姐，同我讲咩last order呀？个班师奶员工完全好赶住走咁，𠮶阵小朋友都系玩咗15分钟，然后我哋就要上菜，佢有前菜、主菜、有个汤，讲真一句我就冇食过，因为我太忙，但我啲朋友同我讲最好味系个汤其他嘢完全食唔落，全程食嘢起码有六七个员工企咗响度望住你食，完全觉得好有压迫咁，食食下野，佢已经要上蛋糕
𠮶时谂住book晏昼，间野系咁催我落订又成，点不知想落订先同我讲得返夜晚两个钟，我都照订啦，谂住开开心心，收我$13000 ，30个人，心谂应该都唔差啦，最后我加多左七位佢话加钱，我都OK照加。
.
之前已经WhatsApp佢同佢讲，话我会布置佢哋都冇乜反应，然后去到先同我讲话要收清洁费$500，都唔紧要，我已经提前同佢哋讲过我要布置可唔可以比半个钟我，然后我去到佢就话唔可以，净系可以俾多15分钟我，都ok我明白人地都系做生意，我book嘅时间系七点至九点，我搞掂布置7:15，个员工已经过嚟同我讲，你哋最好切咗蛋糕先，同埋厨房8 点last order，我book七至九，我都系坐低15分钟姐，同我讲咩last order呀？个班师奶员工完全好赶住走咁，𠮶阵小朋友都系玩咗15分钟，然后我哋就要上菜，佢有前菜、主菜、有个汤，讲真一句我就冇食过，因为我太忙，但我啲朋友同我讲最好味系个汤其他嘢完全食唔落，全程食嘢起码有六七个员工企咗响度望住你食，完全觉得好有压迫咁，食食下野，佢已经要上蛋糕，然后佢上左我个蛋糕系无蜡烛既，问左一个员工帮我拎一支蜡烛，佢俾咗一支烟花蜡烛我，正当我谂住摆落个蛋糕度既时候，有一个员工一手抢佐我手上嘅蜡烛话支蜡烛系佢哋自己既，我哋全部人当堂呆咗，我心谂收我万几蚊，一支蜡烛唔使死呀吗？同埋佢哋真系好冇礼貌啰，你正常一个人唔会响个客人面前抢番支蜡烛挂，好似我拎咗佢钱咁。
.
咁我买咗个卜糖嘅盒，俾小朋友玩，然后个员工第一时间冲过黎问入边有冇彩纸㗎，有要收多$500清洁费，我心谂你哋系咪咁等钱洗呀？你收我$13000，你个场又唔系大，系咪摆明老屈㗎，好彩我个盒无彩纸姐。如果唔系已经收$500清洁费，仲要再收多$500清洁费比彩纸？？？我真系未听过第二度会咁收法。
.
我见佢哋咁赶咁，我就问佢地可唔可以加时，佢话唔可以因为佢要交番个场定唔知点样其实我唔系好明，无得加唔紧要，但个重点佢无比完全两个钟我啰！
.
8:40个餐厅开广播话叫我哋要离场清洁，下？！我订嘅系两个钟㖞，佢哋当初冇同我讲呢样嘢，啲小朋友先啱啱玩完所有嘢开始玩佢哋个波波池，我真系唔知点解佢哋要咁样赶客，咁我哋又嗱嗱临执埋啲嘢走啦，最后埋单，我系卖咗$17000再加$500清洁费，讲真一句真系唔系好开心啰，比咁多钱俾啲咁嘅服务我，我都预咗啲嘢食唔系好味㗎喇，念住小朋友开心就算..结果系大人细路仔都好唔开心啰！
.
‼️‼️‼️
「我都未同你地讲$17000+$500，唔系包场架！途中仲有其他小朋友入嚟玩架。」
‼️‼️‼️
最失望佢哋系无Service，想喺呢度搞生日party嘅话，话俾你听可以睇过第二间，如果唔系你哋一定后悔！
张贴