Han Ban Korean Restaurant (已結業)

喺附近返工，午餐时间经过，睇餐牌好似几吸引，第一次嚟食，于是叫咗个牛肋骨汤，佢话系跟埋饭嘅。等咗都有10分钟，牛肋骨嚟到，真系吓死你，咁大个煲，得一块好薄嘅牛肉，同埋一旧骨。食过好多次韩国嘢，真系未试过咁嘅情况，即刻同餐厅反映，个阿姐话系咁㗎啦，我话咁都得，佢仲话呢个𩠌其实精华系个汤。即刻饮一啖汤，个汤其实同水一样，完全冇味，𠮶块唯一嘅薄切牛肉，系咬极都咬唔烂嘅。大家可以望吓餐牌张相，佢完全违反商品说明条例。埋单$78。同区一定有更好嘅选择，冇必要唔好入嚟。