影片
港铁启德站B出口, 步行约15分钟
继续阅读
营业时间
*last order 21:30
星期一至六
11:00 - 22:00
以上资料只供参考，请与餐厅确认详情
好食，真係唔錯，夠熱。老闆兩公婆都是韓國人，老闆娘負責煮嘢食。叫了半半炸雞，泡菜炒飯，牛肋條海鮮湯。樣樣都好吃，但十分可惜原來我吃的那天是他們營業的最後一天。臨走前他們還送了公仔和汽水給我們。很有人情味的老闆。希望他會另覓地方東山再起吧。
继续阅读
之前幫襯過，味道都幾好加上價錢合理所以再幫襯。發覺老闆轉了，上至老闆，下至員工都是韓國人，之前都仲有落單阿姐識中文，老闆連門口掛住休息中都唔知，好彩我一心想幫襯所以先輕推大門問係唔係開咗。雖然老闆變咗，但係餐牌冇變，反而多咗lunch set 同rice ball，價錢合理，大概八十至一百。當然冇得同茶記比，但係正宗韓國餐廳呢個價錢一啲都唔貴。餐廳環境舒適，我情願坐得舒服收我平啲好過整到好靚收貴我，反正地區餐廳。講返食物質素，叫左大醬湯，泡菜炒飯同辣牛肉湯飯。泡菜炒飯係一流，炒得均勻，每粒飯都有泡菜汁，絕對唔求其。牛肉湯飯就少啲牛肉，但係湯嘅味道唔錯。想食正宗韓國嘢又唔想咁貴，呢間絕對值得推介。下次會再試佢嘅燒牛肉，之前食過都幾正，性價比高。希望多啲人支持下呢啲小店。
继续阅读
因為同朋友晚上大約9點做完野，純粹睇吓附近有咩未關門就去食 誤打誤撞入左呢間，應該係韓國老闆都好好人，我哋本身揀咗張二人枱坐，佢哋叫我哋坐張大台舒服啲員工都非常之友善，又會推介我們有什麼美食我哋隨心點左三樣，一致都覺得有驚喜，色香味俱全我自己就最鍾意無骨半半炸雞（亦都係員工推介） 因為香口 ，炸得都好鬆脆👍🏻👍🏻（佢地應該收十點， 所以佢都快快手唔好阻住佢地收工） 下次會再嚟試其他食物🥘 埋單先$368，比起出面一定五百蚊冇走雞
继续阅读
今晚一人食咗個抄年糕拉麵，醬汁夠濃，年糕煙煙韌韌，本身以為真係抄，但係上菜時係醬汁鋪面，年糕拉麵和醬汁一起食，好好味！$98元不加一！因之前食過石頭拌飯，好好味，所以再去，一人飯堂坐得舒服自在！服務人員有禮，不過點菜要揾其他服務員，如想練韓文可找老闆落單！餐牌有圖可以逐個點都不用擔心我睇佢唔係好識廣東話，因結帳時佢說多謝都係說韓文！但好有禮貌！
继续阅读
前幾日同朋友一家大細在新蒲崗覓食，見到康強街小巴站有間韓國料理睇落環境乾淨企理，而且剛好有位，即興入去試下啦。坐落點好餐冇耐，老闆娘（韓國人唔識講英文）親自送上來一碟碟小菜，一數竟然有九樣，每碟都擺盤精緻得令人感動。後來埋單才知道小菜全部免費，太讓我地驚喜啦。我地每人點咗喜歡的菜餚，食完都舔舔脷話好好味（掛住食唔記得影相），有種在韓國人屋企里用膳那種家的味道。臨走時老闆送比小朋友口香糖，攀談幾句原來他們夫妻剛剛頂手這間餐廳，上手經營得唔理想，佢地要扭轉客戶印象唯有用心從細節，衛生，口味各方面做好。短短用餐一個鐘可以感受到佢地的用心，新蒲崗就得一間韓國料理，梗喺要多d返黎幫襯支持下佢地啦。
继续阅读