Mellow Brown Coffee by UCC (已結業)

第一眼见到呢件热香饼，明显属于率性的艺术创作。一个变咗形的圆形，唔系用个模圈住啲粉浆煮出嚟，同埋唔知点解，饼上面会有件柠檬，颠覆晒对热香饼的印象。殊不知，呢啲先系佢的亮点。餐牌写住，呢碟叫做云呢拿雪糕窝夫热香饼。见到实物后就觉得，不如删除窝夫呢两个字会更加直接。重点在味道，个饼冇苦味，够厚身，够热，软熟，加埋雪糕的甜同冻，入口非常讨好。加啲柠檬汁一齐食，同个甜味竟然好夹噃，清香之余令你食得开胃。热香饼好易饱肚，好彩有柠檬汁先食得晒。一定会再返嚟食！今日食得好之余，亦遇上几位服务非常周到店员，佢地令呢个茶餐的 CP 值倍增。不过咁，美中不足系呢个茶餐的跟餐 Cappuccino。咖啡的味道冇问题，反而系个拉花可以改善，好奇想知个图案系咪公司规定的？