惠 (已結業)

今日公司发放bonus💵，当然要去食返餐好嘢。几个同事即刻book咗枱，去食午餐嘅Omakase。咁奢华嘅午餐都系第一次食，虽然系大概$1000嘅午餐，但系咁嘅价钱食到厨师发板，真系物超所值💯。入面环境清静，几个朋友畅饮，食饭真系一种享受😌。日式茶碗蒸🥚材料超多，入边有虾🦐，海带等等，令到成个茶碗蒸都充满着鲜味，蛋香十足，够嫩滑。𫚕鱼🐠🐟嘅色泽系非常光鲜，佢嘅油脂系好高，所以食落去好鲜甜同埋好软熟，师傅同我讲系好少机会会有呢种鱼🐟嘅，今次嚟到有得食真系执到了。煎带子平时好多地方都会有得食，但系要整得好嘅真系唔多。带子煎得好香😋，有少少牛油🧈嘅味道。日本生果真系冇得输，静冈蜜瓜🍈，超级清甜，而且肉质系比较软，食落超级juicy。