影片
更多
2023-01-04
1009 浏览
我系今年1月1号系呢度摆午宴，以为佢系一间高级中菜厅，差极都有个谱，但我真系用极差嚟形容。大概系几个原因如下:1.我11:30迎宾，12:00证婚，之前倾咗证婚露台要摆凳，原来佢哋用咗场内啲宾客枱嘅凳拎咗出去，搞到有3张台既宾客嚟到，发现自己张枱系冇凳，企喺度戆居居，我閙人佢哋先喺第二度搬啲凳过嚟，我更嬲，以为佢哋系唔够凳所以咁，但原来只系因为懒。2.会有MC同律师讲嘢，佢哋一早知，现场发现啲咪唔得，佢哋有音响嘅同事冇去处理呢个问题，仲要最后比我知道原来场内场外系有两set 唔同嘅咪，拎错咗场内嘅出去场外，我唔明点解可以咁简单嘅嘢都有咁嘅错误，全个晏昼冇宾客听到mc用咪讲乜，我哋嘅感谢词亦冇人听到。3.我个结婚蛋糕有四层10几磅，宾客话想食每一张枱分唔足数量，我问屋企人会唔会系唔够分，佢哋话见到个蛋糕摆咗埋一边未切晒，所以叫侍应帮手切，侍应答佢地唔切，但冇讲原因，最后剩晒系度。同埋个重点系个蛋糕系我哋带过去，系我㗎㖞，点解我想食自己蛋糕都唔得，如果系唔帮手切，点解又切啲唔切啲？4.我哋March in嘅时候有啲枱本身冇人坐，已叫佢哋清走，点知佢哋话太重唔搬，最后要出动到兄弟同埋我自
我系今年1月1号系呢度摆午宴，以为佢系一间高级中菜厅，差极都有个谱，但我真系用极差嚟形容。
大概系几个原因如下:
1.我11:30迎宾，12:00证婚，之前倾咗证婚露台要摆凳，原来佢哋用咗场内啲宾客枱嘅凳拎咗出去，搞到有3张台既宾客嚟到，发现自己张枱系冇凳，企喺度戆居居，我閙人佢哋先喺第二度搬啲凳过嚟，我更嬲，以为佢哋系唔够凳所以咁，但原来只系因为懒。
2.会有MC同律师讲嘢，佢哋一早知，现场发现啲咪唔得，佢哋有音响嘅同事冇去处理呢个问题，仲要最后比我知道原来场内场外系有两set 唔同嘅咪，拎错咗场内嘅出去场外，我唔明点解可以咁简单嘅嘢都有咁嘅错误，全个晏昼冇宾客听到mc用咪讲乜，我哋嘅感谢词亦冇人听到。
3.我个结婚蛋糕有四层10几磅，宾客话想食每一张枱分唔足数量，我问屋企人会唔会系唔够分，佢哋话见到个蛋糕摆咗埋一边未切晒，所以叫侍应帮手切，侍应答佢地唔切，但冇讲原因，最后剩晒系度。同埋个重点系个蛋糕系我哋带过去，系我㗎㖞，点解我想食自己蛋糕都唔得，如果系唔帮手切，点解又切啲唔切啲？
4.我哋March in嘅时候有啲枱本身冇人坐，已叫佢哋清走，点知佢哋话太重唔搬，最后要出动到兄弟同埋我自己屋企嘅男亲戚帮手，自己搬走，佢哋在场嘅人睇到，但无动于衷。
5.佢叫我哋个场3:30还返俾佢，我2:00入去换衫预备出嚟敬酒，我啲朋友话大概2:00松啲问场地拎酒饮，侍应答佢地话冇晒之如，仲已经收走晒佢哋嘅酒杯，同佢哋讲话上菜已经完咗，好似赶佢哋走咁，所以佢哋有啲已经系我未敬酒走咗，亦都有一部份我哋埋枱敬酒，佢哋乜都冇望住我哋，果时只系2:30，最后我哋离开餐厅，原来仲有20支酒未开，所以我唔明点解侍应回答我啲亲朋戚友已经冇晒酒，仲收走埋人哋嘅酒杯
接受唔到差到咁嘅安排。。。
嬲到爆炸，可能你哋好少做婚宴，但冇sense有心做，同冇sense兼冇心做，其实人哋真系感受到，他朝君体也相同，如果你第时系你结婚都有一个咁差嘅体验，你就会明白你哋破坏咗人哋一生人只有一次嘅回忆。
同埋人哋唔期望你物超所值，但你哋返紧工出紧粮，应该要俾返一个正常嘅水平出嚟。
张贴