書湘門第 (富利達中心)

营业中

休息中

#荃湾#书湘门第和朋友一行四人食lunch, 拣咗呢间环境阔落，干净企理嘅湖南菜馆。荃湾分店午市先至有米线，而家有八折，满$200仲可以加一蚊有酸菜鱼。落地玻璃对住德华公园，景观不俗。点了口水鸡米线 + 卤水猪手米线 + 肥肠酸菜鱼米线 + 麻辣猪耳小食，仲有$1酸菜鱼。口水鸡例牌份量，味道几好，垫底青瓜爽脆新鲜。猪手原只上，炆得淋而不肥，不过唔记得影相😆 肥肠烟靭，鱼片滑，米线偏淋。最好食反而系$1酸菜鱼，酸菜好好味，汤底又正，标准辣度唔太辣，嗜辣者可以要求大辣或者劲辣。三碗米线大大碗，加埋猪耳及酸菜鱼，四人share都饱晒。午巿冇收茶位，有一壶菊花茶消滞解油，人均$55，以环境及食物质素，真系超值。如果一个人去，推荐酸菜鱼米线，八折及加一后$60，星期一至六午巿供应。