Flame at Towngas Avenue (已結業)

今日去到尖沙咀中港城呢间由towngas所开办嘅西餐厅食lunch，初头都唔知边度系「平台」，原来系条长电梯直上。上到去个环境几好，又通爽，又有海风，可惜有雨，如果唔系坐外面都几舒服。餐厅嘅侍应都好有礼貌，系少有地咁有礼貌所以呢样要加分今日嗌咗一份七成熟羊扒薯菜同五成熟肉眼扒薯菜，羊扒方面，膻味唔太重，肉质嫩，而且入味，相反肉眼扒就相对地比下去，牛肉味系有，不过可能食完羊再试件牛，觉得唔够味。薯菜就系小薯仔加秋葵加蕃茄，感觉都几新鲜！之后仲叫咗份心太软，认真好甜，唔食得太甜嘅真系拣过第二份甜品好彩我都可以食得好甜，顶得顺！