鳴門魚市場居酒屋 (已結業)

今次叫set lunch，三文鱼海胆丼$88，超其望有返加拿大海胆，但嚟到都系呢只海胆，有少少失望啰！好耐之前问过原因，佢哋话返唔到货，但真系唔明毎季都会嚟帮衬，但就无见返到货，其实佢个丼唔算平架，仲久唔久加下价，但质素又无所提升⋯⋯唉！如果唔系呢区无间正过佢，我真系唔再帮衬架！个set有小食、沙律、迷你鲣鱼汁汤乌冬、两色丼同蒸蛋。小食有时系螺，有时系八爪鱼，同超市买果d货式一样；沙律有酸醋汁好开胃，沙律菜仲好新鲜；乌冬超烟靭好稻庭，口感啱啱好；三文鱼海胆丼卖相都唔错，三文鱼厚切超肥美，有3大块，而海胆份量比较少，鲜度只是一般般，但都食得过嘅，最底嘅珍珠米唔错架，一粒粒好有光泽，好味到清晒成碗；到最后个蒸蛋呢算系整餐灵魂所在，蛋好滑嘟嘟，入口即溶，唔系周围食到呢个水准架！