影片
更多
2021-09-12
272 浏览
今次黎到想试好耐既惊安烧肉，平时好少出去食唔系任食既烧肉，因为觉得食靓少少既肉都会好贵，而且唔会食得好饱。依家惊安做紧午市7折，真系抵到爆!今次我地叫左几样野，先讲黑松露牛油果沙律(7折后$26.6)。呢个沙律系尖沙咀店先有。店员一上菜已经闻到个沙律有好香既黑松露味，而且牛油果既份量都唔少，两个人食绝对已经足够，朋友平时对沙律菜要求好高，只要有苦味已经唔想食，但呢个沙律菜佢会用爽甜去形容，食得出菜好新鲜，加上有酸汁做沙律汁，连埋菜同牛油果一齐扒入口，酸酸甜甜真系好开胃。加上价钱只系26蚊，真系好抵食。去得烧肉店一定会食好多烧肉，叫一个沙律菜中和下油腻感都唔错。第二样黎既食物就系牛油蒜蓉金菇(7折后$18.2)。呢个金菇好大份，而且只系18蚊。价钱黎讲真系冇得输，但食落真系觉得冇咩味，牛油同蒜蓉味都好少。不过只系18蚊都冇得要求太多。真系普通到都唔记得要帮佢影相。讲左咁多配角，终于要开始入正题，黎得烧肉店，当然要食肉啦。我地今次叫左两款: 柚子渍鸡肉山(7折后$26.6)、九宫格烧牛盛合(7折后$201.6)。先讲鸡肉山，平时出去食烧鸡肉，26蚊可能得一两串几细块。但今次呢个鸡翼山真系令
今次我地叫左几样野，先讲黑松露牛油果沙律(7折后$26.6)。呢个沙律系尖沙咀店先有。店员一上菜已经闻到个沙律有好香既黑松露味，而且牛油果既份量都唔少，两个人食绝对已经足够，朋友平时对沙律菜要求好高，只要有苦味已经唔想食，但呢个沙律菜佢会用爽甜去形容，食得出菜好新鲜，加上有酸汁做沙律汁，连埋菜同牛油果一齐扒入口，酸酸甜甜真系好开胃。加上价钱只系26蚊，真系好抵食。去得烧肉店一定会食好多烧肉，叫一个沙律菜中和下油腻感都唔错。
黑松露牛油果沙律
10 浏览
1 赞好
0 留言
第二样黎既食物就系牛油蒜蓉金菇(7折后$18.2)。呢个金菇好大份，而且只系18蚊。价钱黎讲真系冇得输，但食落真系觉得冇咩味，牛油同蒜蓉味都好少。不过只系18蚊都冇得要求太多。真系普通到都唔记得要帮佢影相。
讲左咁多配角，终于要开始入正题，黎得烧肉店，当然要食肉啦。我地今次叫左两款: 柚子渍鸡肉山(7折后$26.6)、九宫格烧牛盛合(7折后$201.6)。
先讲鸡肉山，平时出去食烧鸡肉，26蚊可能得一两串几细块。但今次呢个鸡翼山真系令我地哗出声，份量极多。今次两个人去食，每人都食到大约7至8块。你可能会觉得廿几蚊比十几块鸡肉一定系好鞋好难食，但呢个绝对唔系。鸡肉肉质鲜嫩，加上用柚子汁去腌制，食入口感觉好清新，绝对唔会有平时食完烧肉觉得好腻口既感觉。我地建议烧完鸡肉再配埋店入面提供既青柠汁，会令到鸡肉既口感更加丰富。
柚子渍鸡肉山
2 浏览
0 赞好
0 留言
之后当然要讲埋主角: 九宫格烧牛盛合。
呢个九宫格摆盘好精致，好啱打卡用。每一格都有一款牛肉，分别有厚切牛舌、牛仔骨、牛护心肉、A4和牛、肉眼、牛小排、调味牛肉、芫荽牛肉，调味牛肋肉。而每一款都有两至三块。如果两个人去食叫一个就够哂share。食呢间之前我地都特登search过睇下有咩野食系必叫，虽然呢个九宫格好多人都话系一定要叫，但老实讲九格入面只有大约一半小编系觉得高质，其他就普普通通。特别系护心肉，以前系其他烧肉店食过觉得好好食，食落都好嫩滑，但今次呢碟护心肉虽然肉味都有，但食落比较鞋。而九宫格，小编觉得厚切牛舌、厚切牛舌、牛小排同牛肋肉同好好食。就咁普通烧一阵已经好好食。其他就肉味欠奉。
九宫格牛盛盒
14 浏览
0 赞好
0 留言
最后一定要赞既系店员服务态度超级好，佢地会主动埋黎帮你换个网，我地食左个半钟左右已经帮我地换左3，4次。系出面食烧肉多数都系客人自己要求换网，但呢度系唔需要，服务态度真系要比101分。最后埋单都系320蚊，每人都系160蚊就可以食到好饱。
张贴
