湊湊火鍋‧茶憩 (圍方)

营业中

休息中

见到有新嘅嘢食都会去睇吓试吓，本身食开佢嘅dinner，见到有lunch set，都几多款，于是乎就睇吓个味道如何。如果你系会员就可以免费出边自助吧，自助吧有几款生果，当日有西瓜同埋蜜瓜，另外小食有鱼皮同埋菇类，个人比较一向钟情佢哋嘅肉燥饭，仲有好多唔同嘅酱料。🥢经典红颜花胶鸡小火锅配乌冬：花胶汤底配上鸡肉，鸡肉好嫩滑。职员话系熬制出来，好清甜，唔会好咸，乌冬好弹牙。另外仲有个蔬菜，鸭血加豆腐，同埋豆腐味嘅布甸。🥢宝岛慢煮蕃茄牛肉小火锅配乌冬：蕃茄汤底浓郁，好杰身果只，加埋乌冬非常之夹。🥢冬瓜柠檬：夏日必饮之选，冬瓜加柠檬，好啱夏天，清爽嘅感觉。🥢黄金桔茶：酸酸地，金桔好下火，茶底好香。