忠孝東路

营业中

休息中

iSquare呢间台湾嘢午市够晒抵食，免加一之余，食物够大份，仲要跟嘢饮。呢度午市餐牌有好几款拣，其实几啱两三个个同事一齐黎，可以一齐分享几款食物。前菜叫左凉拌酸辣猫耳朵，好爽口，又开胃。主菜我叫左凤梨黑醋骨（$78），配珍珠饭，份量好大，十足平时散叫一样，价钱仲好抵！菠萝大大粒，酸酸甜甜，啲排骨唔硬，用黑醋包围外层超正，好有水准！饮品我见有姜汁奶茶，午市可以半价，加珍珠就加$5。姜味好自然，唔会太甜，饮到底仲有好多姜蓉同姜丝，非常足料架。呢度仲可以加$25有多碟白菜仔，啱晒我呢啲菜宝宝。热辣辣炒出来好新鲜架！呢度环境有文青风，仲有啲打卡味，位置有圆枱有长枱，多人少人都啱。