雪村

营业中

休息中

餐厅位于尖沙咀 K11 Art Mall，主打食日本料理，假日都有午市定食，选择都好多，寿司、刺身、丼饭、寿喜烧等都有齐，款式应有尽有！🥢雪村寿司御膳 $288钟意食吞拿鱼就必点呢个set! 有齐有赤身、中拖罗、大拖罗，另外仲有池鱼、金目鲷等，军舰有海胆、三文鱼籽，吞拿鱼腩蓉，再加埋太卷同甜蛋！真系相当之丰富！大爱拖罗，油脂甘香，入口即溶～海胆都好鲜甜，口感软滑！甜蛋仲印住左大大个雪村标志添～御膳仲包括热汤鸟冬，沙律同味噌汤，乌冬较扁身，食落都好弹牙！🥢炙烧寿司御膳 $198另一个餐叫左炙烧寿司，全部寿司都灸烧过，增添一份焦香，最吸睛既系巨型穴子，大大条烧得超靓，肉质鲜甜！仲有带子，三文鱼、鲜虾、鱿鱼等，带子好厚肉，好鲜味，总共加埋有成十件寿司，御膳同样附有御膳仲包括热汤鸟冬，沙律同味噌汤，大大满足！