影片
更多
2019-03-09
752 浏览
星期六又系家庭日，妈妈通知屋企附近开咗间新嘅西餐厅，佢食过几次都觉得好好味，价廉物美，所以带咗我去食。点解呢篇食评叫做午市大平反呢？因为我食食吓已经觉得呢间餐厅好好，所以想OpenRice睇吓系咪全部都系好评，点知发现好多劣评。。。。我留意到好多都系晚市，妈妈食过几次都系午市，所以不予置评。大家下次黎可以试吓午市啊！九龙湾分店系新开，加上位置真系有少少偏僻，所以喺电梯旁都有啲宣传品。午市餐牌真系好抵，特餐$55至$57，两点前落单仲免收加一添！我哋叫咗两个A餐，一个饭一个意粉。罗宋汤好好饮，唔辣，不过餐包就差左少少，系用微波炉嘅，所以有少少硬，不过$60楼下买单，咁样已经系超水准。个牛扒超好味呀，点解$60可以有咁嘅肉质架？唔会腌到林晒，肥瘦均匀，牛肉纹理分明，果然系牛扒之家，正！啲粟米都几甜，不过个人觉得西餐唔应该加棵小棠菜落去。意粉就好有咬口，厨房预设份量唔会落好多汁，但系我同妈妈都觉得蒜蓉汁太少，所以叫咗佢哋加。佢唔系比一兜仔酱汁你，而系用个大兜帮你淋落去，够就叫停。返好有米香，真系好想冲入厨房问佢用边只米，不过今日煲林左少少，但都好高水准。因为位置冇咁旺，所以餐厅位置好多，两个
点解呢篇食评叫做午市大平反呢？因为我食食吓已经觉得呢间餐厅好好，所以想OpenRice睇吓系咪全部都系好评，点知发现好多劣评。。。。我留意到好多都系晚市，妈妈食过几次都系午市，所以不予置评。大家下次黎可以试吓午市啊！
九龙湾分店系新开，加上位置真系有少少偏僻，所以喺电梯旁都有啲宣传品。
午市餐牌真系好抵，特餐$55至$57，两点前落单仲免收加一添！我哋叫咗两个A餐，一个饭一个意粉。
罗宋汤好好饮，唔辣，不过餐包就差左少少，系用微波炉嘅，所以有少少硬，不过$60楼下买单，咁样已经系超水准。
个牛扒超好味呀，点解$60可以有咁嘅肉质架？唔会腌到林晒，肥瘦均匀，牛肉纹理分明，果然系牛扒之家，正！
啲粟米都几甜，不过个人觉得西餐唔应该加棵小棠菜落去。
意粉就好有咬口，厨房预设份量唔会落好多汁，但系我同妈妈都觉得蒜蓉汁太少，所以叫咗佢哋加。佢唔系比一兜仔酱汁你，而系用个大兜帮你淋落去，够就叫停。
返好有米香，真系好想冲入厨房问佢用边只米，不过今日煲林左少少，但都好高水准。
因为位置冇咁旺，所以餐厅位置好多，两个人都可以比到四人卡位。
叫咗两杯冻柠茶小冰少甜，点知嚟咗一杯少甜，一杯正常。少甜𠮶杯好好味！正常个杯真系好甜，奉劝大家一定要叫少甜。
$57个牛扒餐，冻饮加两蚊， $118买单真系好抵呀！ ！ ！ ！
张贴
