Hakata Concepts

星期日去左黄金海岸揾食，商场上层超市隔离有间铁板烧。见到午市套餐做紧买一送一，非常抵食，入去试下。1人前套餐系$198 ，有烧鱼、汤、炒饭、渍物，仲有个side menu，想丰富啲仲可以加$100 拣和牛薄烧/带子/鹅肝。绝对系好饱。我觉得性价比非常高，食材新鲜。餐厅仲有寿司刺身可以以优惠价追加。星期一至日都有优惠系非常之好。餐厅环境舒服干净。餐厅出面空地有户外台，黄昏坐出面饮杯嘢望住个海chill 下都几爽。有机会会试埋个晚市。有免费泊车，记得消费完留收据。