影片
更多
2017-05-18
240 浏览
第二次食牛气。第一次系食晚市放题，而今次系食午市60分钟放题套餐。其实我一直搞唔清牛气、牛阵、牛一、日牛涮涮锅呢几个品牌有咩分别。正常来讲应该三个「牛」开头既牌子系同一个集团？Anyway，呢啲都唔关我事，有好野食我就满足了。（我后尾无聊去研究左呢三间既分别，好似价位有少少少少分别，同埋质素方面都有少少少少唔同，感觉上牛气应该系最高级既。）下午4点出来觅食，呢个就系平日唔洗返工既人士之lifestyle。。原本谂住响The One 4-5楼行几个圈拣一间自己最想食既，但自己当时真系肚饿得滞，完全等唔切啦！😂 所以就入左呢间，因为肚饿更系要食多啲喇！原本想拣90分钟放题既，贵60蚊，但可以食耐啲同埋肉可以无限refill。如果净系普通60分钟套餐就得一碟架姐。但系落单𠮶阵时又觉得自己未必食得落咁多碟猪肉，同埋夜晚仲要食野添，唔想食到太饱。咁就点左$79既美国豚肉啦，切得薄薄地，涮几秒就食得了！配埋胡麻酱仲正。我系一个好识分配时间既人（哈哈），所以当我等个汤底滚𠮶阵时就已经去拎热食、沙律同前菜啦！热食我攞左咖哩牛腩配炒饭，几开胃呀！跟住前菜有中华海藻沙律同八爪鱼，仲有两款寿司（玉子同蟹柳棒
下午4点出来觅食，呢个就系平日唔洗返工既人士之lifestyle。。原本谂住响The One 4-5楼行几个圈拣一间自己最想食既，但自己当时真系肚饿得滞，完全等唔切啦！😂 所以就入左呢间，因为肚饿更系要食多啲喇！
原本想拣90分钟放题既，贵60蚊，但可以食耐啲同埋肉可以无限refill。如果净系普通60分钟套餐就得一碟架姐。但系落单𠮶阵时又觉得自己未必食得落咁多碟猪肉，同埋夜晚仲要食野添，唔想食到太饱。咁就点左$79既美国豚肉啦，切得薄薄地，涮几秒就食得了！配埋胡麻酱仲正。我系一个好识分配时间既人（哈哈），所以当我等个汤底滚𠮶阵时就已经去拎热食、沙律同前菜啦！热食我攞左咖哩牛腩配炒饭，几开胃呀！跟住前菜有中华海藻沙律同八爪鱼，仲有两款寿司（玉子同蟹柳棒）。沙律配菜选择都唔少，啲蔬菜真系非常之新鲜，有一种清甜（听讲老板不惜成本用最好既蔬菜）。咁我就一路涮肉一路食前菜沙律啦，食到一半觉得差唔多可以煮丸类同其他蔬菜了，于是就将自己拎既全部倒晒落去俾佢慢慢煮。佢第二次滚我就继续涮肉食，饮完一杯玄米茶就去攞一罐Hite啤酒，但无奈胃已经差唔多冇咩空间，于是饮左半罐就放弃左。
最尾差唔多全部消灭晒，净返少少食唔晒既莲藕同面。芝士鱼蛋实在太rich，我食左一个就食唔落了。通常我打边炉最钟意既菜就系油麦菜同蘑菇（各种菇都钟意），于是呢几样我攞得多少少。Luckily for me，我一个钟岩岩好食晒，唔洗等人来催我。
叫我同其他间比较既话就难啲，因为我未试过牛一同牛阵，但睇完啲评论我估应该系咁样一个等级：牛气>牛一>牛阵
因为牛阵汤头选择冇咁多同埋如果唔想要清汤就要加钱（虽然得个$10），所以牛一应该系性价比最高既，因为牛肉午市套餐都系$68起，而牛气就系猪肉套餐都要$78。论环境，牛气位于The One，租金应该最贵，所以价钱贵少少亦都算合理。
唔错又够抵食既一餐，其实呢个时段食正常来讲夜晚不再需要食野了，但我到左7:30又差唔多消化晒。。所以隔2.5钟就又可以食了😂 我可怜的身材啊！被我不停咁虐待🙈
张贴