牛八和牛燒肉屋 (已結業)

同老公落下揾嘢食，呢间烧烤餐厅新开咗一段时间，唔知好唔好食，牛肉放题有些贵，今日有机会试下佢嘅午市套餐，好食嘅再返嚟食放题。如果是星期一至五就更加抵食，可以用优惠价追加不同的小食及肉类。套餐包括牛尾清汤、白饭、韩式前菜及饮品，饮品可以拣柚子蜜(冷/热)、可乐、七喜或姜味汽水。牛尾清汤真系好清，唔觉有牛肉味，似一些韩式例汤，碗底几粒牛肉好靭。韩式前菜每人都有三款，有辣萝卜、芽菜及泡菜，味道不错。白饭份量刚刚好，软绵绵好吃。牛肋肉&牛腹腔定食(酱汁)，每款有四件，较深色应该是牛腹胸肉，牛肉味较浓。牛肋肉&肩脊肉定食(盐酱)，都是每款四件，老公话盐酱较好吃。其实网烧好过铁板烧，冇咁易㶶。餐厅多数是卡位，座位都阔落，枱面都够大，可以放好多食物，抽风系统算理想。午餐也有石锅饭，唔想烧烤嘅朋友都可以一齐嚟食。