無老鍋

营业中

休息中

今次午餐拣咗一间台式嘅火锅店！汤底够晒特别-冰淇淋豆腐锅，清香回味，又有中药香辛料，令啖汤更滋补，味道比一般的豆腐汤浓味一些。每人会送冰淇淋豆腐，第一次食，软绵绵，似鱼豆腐，其实系花枝浆、豆腐，很有趣🤭牛市推介优惠好抵，包括上选牛小排、浓香豆皮、日本黑豚肩肉、手工虾滑、两杯饮品，食材新鲜，而且有啲系台湾直送，够晒正宗。我最钟意浓香豆皮，吸尽精华，而且好大嚿，一入口，系爆汤，正！朋友就好喜欢手工虾滑，份量就不算多，但有4只虾仁，真材实料，弹牙又有口感！牛、猪肉系不加仼何酱汁下都已经好美味。蜂蜜柠檬爱玉，个人觉得偏酸咗少少，可能我叫咗少冰，不过有大量爱玉，加番不少分。巨蜂梳打，以清新果香配上透心凉梳打，立刻暑气全消。惊喜位✨送上水蜜桃沙冰！系免费🆓！如果叫咗麻辣汤底，有呢杯沙冰解下辣，cool down 一下都几好，真贴心。服务态度都不错，一开头会推介各款食物，而且最开心系可以不断无限加鸭血、豆腐，refill 得好密。