快樂小羊火鍋料理 (大鴻輝(荃灣)中心) (已結業)

今日晏昼突然间想同朋友打边炉，看见快乐小羊嘅传单，见到啲折扣几抵，朋友又讲起质素几好，跟著派传单个位小姐就话最近新出左个午市套餐好抵食架，我见佢价钱又唔贵，同出面食任食价钱差唔多，所以就同朋友上去试吓，上到去可能因为系晏昼啦，唔系好多人，环境都几舒服，原本以为会有窗，点知冇，不过都唔会有好大压迫感，我地就叫左二人自选套餐，落左个麻辣汤，肉方面我地就唔系好识分，所以就问左职员，职员都几劲系肉嘅肉质同油脂方面都好了解，跟著就推荐我地食太阳卷同埋千层肋卷，其他仲叫左鸭血、毛肚，职员仲介绍话一定要试下个油条，之后见到隔离枱点左个羊架劲香，作为羊嘅爱好者，紧系试吓啦，我地都叫左两旧试吓，之后我哋就好自然咁出去攞酱料，之后职员就话佢地个汤底系主打，唔洗点酱料，我哋就姑且试下啦，点知又几好，个羊肉好鲜，个汤底都几有味，唔重味精，其他配料就正正常常啦，不过个油条点左汤都几正，个羊架试落啖啖肉又juicy，估唔到打边炉嘅舖头都有羊架食，仲要咁正，到最后埋单都系488，同平时出面任食个价钱都系差唔多，质素又高过其他任食边炉，又咁好食😋下次一定揾埋成班朋友黎试吓。