牛角日本燒肉專門店 (Mikiki)

营业中

休息中

自从知道牛角减少分店后 都多咗帮衬 最抵系78蚊嘅午市套餐。 餐牌如下：前菜有沙律：红萝卜丝， 洋葱丝 和牛肉 加些醋 酸酸地几开胃； 日式昆布汤 加少许白芝麻肉类方面有： 鸡肉 、猪颈肉 和猪肉。 鸡肉要烧比较耐，好大件和四四方方，烧烧下会散咗， 当散咗之后会更加容易熟。 猪颈肉和猪肉 相对鸡肉唔使煮咁耐， 因为较薄， 酱汁好美味。饭可以选普通白饭和牛角饭。牛角饭有紫菜、葱和 汁， 手机落单时仲可以拣多汁、少汁、多葱、少葱、走葱 、还有少饭，还可以任添！ 一碗其实都已经几大碗， 所以冇添到。饮品方面有冻水蜜桃绿茶， 可选少次或走冰，或者加两蚊有汽水都算抵饮。