新麻蒲 BBQ (形點) (已結業)

今日星期六下午同朋友去左元朗既 Park yoho 行街，行到累累地想揾间餐厅坐低食下嘢，但周围 D 餐厅都有劲多人系到等紧位。之后最奇怪既事发生左，明明星期六有咁多人嘅日子，但好多餐厅都竟然会落场，所以搞到我好多餐厅都食唔到，塭左好耐终于比我揾到一间餐厅仲有午市套餐，所以我就冲左入去。呢间餐厅好抵食，所有午市套餐买三送一。我今次叫左最大路既石锅伴饭。石锅伴饭有唔同既材料：切丝牛肉，芽菜，菇菌丝，红萝卜丝，瓜丝洋葱丝和菠菜等等，而且还有一只煎蛋。食果时加左韩式甜辣酱味道会更正，可惜饭份量较少，不过都算不错，饭未至于整得太烂，而且食材都新鲜。