森戶 (官塘立成大廈) (已結業)

咁啱同朋友一齐放假，去观塘附近买嘢，行经呢间餐厅又令到我旅行后遗症发作，挂住日本嘅嘢食。餐厅午市定食有好多款选择，价钱由一百几至三百几都有，丰俭由人。由于小妹实在太挂住日本嘅拖罗，二话不说就拣咗特上刺身拼盘定食。每个座位都会有绿茶粉，客人可以自己加水同埋调节自己想要嘅茶嘅浓度，任饮唔嬲。特上刺身拼盘定食：等咗一阵拼盘就嚟啦！拼盘一上来嘅时候我同朋友都哗咗一声，因为上面嘅拖罗同埋海胆实在太肥美啦～净系望到个样都已经好满足呢个刺身拼盘，主要由六款刺身组成，拖罗、深海池鱼、金目鲷、牡丹虾、赤贝同海胆每款各两片。另外配有特制饭，同刺身都好match。每啖刺身都系肥美嘅油脂味，超正！附上朋友嗌嘅特上寿司拼盘，卖相同埋味道都几好㗎！整体而言，全部刺身都好新鲜肥美，满满嘅幸福感，经过嘅朋友可以食下，午市套餐都几抵食。