圓老爺大排檔

营业中

休息中

重阳节长周末好多人离港，条街都几静，经过圆老爷，见未食晏就入去食过午餐先。两点钟嚟到全店满座，去撘枱先😆餐牌选择甚多，睇完一圈决定点客饭套餐。⭐豉蒜凉瓜炒牛肉朋友点咗凉瓜炒牛肉，即叫即炒，上枱时热辣辣香喷喷，凉瓜爽口唔苦，牛肉嫩滑，加上个豉椒酱汁好惹味，送饭一流🤤⭐千岛猪扒见隔离枱食紧千岛猪扒好似好正咁，自己又点一客先。大大碟好抵食，猪扒切条，大约有八条，淡淡肉只有少少骨头，千岛沙律酱甜甜酸酸好好味🤤⭐白饭跟餐白饭一大碗，十分饱肚。⭐咸柑桔 & ⭐天地壹号餐厅无水吧，只有樽装同罐装饮品，雪柜自取，朋友拣咗咸柑桔，自己就要咗天地壹号，呢款苹果醋唔系间间餐厅有，哈哈，真系几好饮㗎。原来餐厅会落场，食到三点左右就收炉了，想食真系要早少少入嚟啦。