圓老爺大排檔

营业中

休息中

中午食左呢間圓老爺，都幾多中式菜既 set lunch 揀，而且幾有鑊氣，大推👍🏻一坐底即上例湯清補涼，飲落有豬骨味，幾有家既味道。台式三杯雞三杯雞係砂煲熱辣辣咁上菜，我覺得以午餐黎講都幾少見，但茶餐廳既價位，好有心機。雞件份量都幾多，食落幾滑同唔係好肥，仲有落埋九層塔去煮，味道幾正宗台灣三杯雞，食落惹味。菜心苗炒肉片份量都係大大份，豬肉片切得比較薄身，所以食落易咬同滑身，見佢有特登煎一煎先再炒，整體都幾有鑊氣。菜心苗都幾好，唔老👍🏻Set lunch 除左有例湯送之後，仲有配野飲，基本都係雪櫃入面任揀同都幾多選擇。走時睇埋佢晚市個餐牌，以小菜計佢都唔算貴，百鬆蚊多啲。我覺得呢間煮餸幾好味同有鑊氣，可以再食。

平日午飯時間經過都見好多客，今日約咗位元朗街坊嚟試吓。店內地方企理，有樓上閣樓，員工態度有禮勤快。午市套餐幾多選擇～即叫即炒粉麵，選擇困難😂仲有湯飯、水煮牛肉酸菜魚等等，魚翅撈飯都有✨午市套餐包指定飲品(x1)另包例湯(x1)💫豉椒牛肉煎脆麵豉椒汁香濃惹味，配麵一流！牛肉淋滑夠入味，不得不讚炒得好夠鑊氣👍🏻個麵煎到脆卜卜好脆口，推介⭐️💫咕嚕斑腩飯斑腩啖啖肉，食落軟熟粉漿厚度適中，咕嚕汁酸酸甜甜零舍開胃，送飯一流

蝦醬豆卜蒸豬頸肉 $60好經典嘅蝦醬蒸豬肉，唔係好多地方有得食，呢個仲豬頸肉唔係豬腩肉，冇咁肥，仲幾彈口，蝦醬唔算重手，唔會好咸，推薦😋😋脆皮菠蘿咕嚕肉 $68肉質唔錯唔太肥，外皮幾脆，唔太甜，好味😋豆腐火腩煲 $58火腩唔算太肥，有咬口，唔會煮到太腍，豆腐夠滑👍🏻店名叫大排檔不過係茶餐廳格局，食物有水準有鑊氣，餐牌食物勁多選擇，老闆同侍應又好有禮貌；午餐平均大概$60，有例湯（應該冇味精），白飯仲有餐飲，超抵食💯

今日同朋友去元朗食飯，經過豐年樓見到呢間叫圓老爺大排檔既餐廳，午市價錢好刺宜，見到入面有唔少客人，吸引咗我同朋友去試試🥰入到去發現原來餐廳仲有上層👍🏻岩哂一大班朋友黎聚餐😀我地叫咗幾個午餐一齊分享，食物質素唔錯👍🏻，埋單都係二百零蚊，人均$5/60，好抵食！鮮椰皇花膠雞飯（4.5/5）- 好好味😋 好多花膠😊😊椰子味非常濃郁🤗🤗極品頭抽豉油雞飯（4/5）- 呢道菜可以做呢度既招牌，豉油雞味道好香濃，雞的份量好足，仲有少少菜做配菜，唔錯☺️☺️黑松露大蝦炒伊麵（4/5）- 好大碟，可以就咁叫一道做主食，正！🙂🙂碧綠炒生魚球（5/5）- 生魚球有少少骨，碧綠係西芹，西芹既size 切到一口，幾岩我地口味😆呢度既食物質素非常好，款式多，價錢平，餐廳又大又多座位，無論平時黎定過時過節約埋親戚朋友黎都非常適合😊😊圓老爺大排檔 (元朗)元朗豐年路7號豐年樓地下28E號舖

重陽節長週末好多人離港，條街都幾靜，經過圓老爺，見未食晏就入去食過午餐先。兩點鐘嚟到全店滿座，去撘枱先😆餐牌選擇甚多，睇完一圈決定點客飯套餐。⭐豉蒜涼瓜炒牛肉朋友點咗涼瓜炒牛肉，即叫即炒，上枱時熱辣辣香噴噴，涼瓜爽口唔苦，牛肉嫩滑，加上個豉椒醬汁好惹味，送飯一流🤤⭐千島豬扒見隔離枱食緊千島豬扒好似好正咁，自己又點一客先。大大碟好抵食，豬扒切條，大約有八條，淡淡肉只有少少骨頭，千島沙律醬甜甜酸酸好好味🤤⭐白飯跟餐白飯一大碗，十分飽肚。⭐咸柑桔 & ⭐天地壹號餐廳無水吧，只有樽裝同罐裝飲品，雪櫃自取，朋友揀咗咸柑桔，自己就要咗天地壹號，呢款蘋果醋唔係間間餐廳有，哈哈，真係幾好飲㗎。原來餐廳會落場，食到三點左右就收爐了，想食真係要早少少入嚟啦。

講真宜家有d質素既茶餐廳或者大排檔都越黎越少，元朗呢間係一定要推介比大家鮮椰皇花膠雞 $78成碗上枱椰子味非常濃郁！面頭有層薄薄嘅雞油！一睇就知道煲咗好耐！椰子肉煲到腍晒！非常軟腍！雞嘅份量大概有半隻左右，食雞胸都唔會覺得乾柴！雞髀更加唔使講！蝦醬豆卜蒸豬頸肉 $60去到大排檔蒸嘢炒嘢都少不免！蝦醬蒸豬肉肉更加係經典中嘅經典！佢用咗豬頸肉代替豬腩肉，怕肥人士會多一個選擇，豬頸肉色水非常靚，食落爽口蝦醬更加令到豬頸肉食落有鮮味！XO醬乾炒海鮮烏冬 $68上枱望落非常大兜，烏冬炒得乾身海鮮食落爽口彈牙！不過佢哋嘅份量真係好多，兩個人差啲食唔晒！食完要捧住個肚出門口！

簡單海鮮小菜：豉椒炒蟶子~ 蟶子大隻… 有鑊氣。蒜蓉粉絲蒸扇貝~ 一般水準。酥炸生蠔~ 美國桶蠔巨形…Very juicy。黃金蝦球~ 蝦球彈牙。6.00pm開餐。人客較少，服務一流。食物水準屬高水平。性價比👍🏻👍🏻👍🏻抵食。推介 ✅✅✅

話說我中原王子，咁啱今日去元朗睇新樓盤，客人睇完當然要搵嘢食女朋友話元朗有個大排檔都幾好食，不過而家唔知有冇轉到廚師，於是乎我就元朗站行過去其實都起碼行幾個字，當時啱啱行到去就已經過咗午餐時間，唯有係散叫，咁我試吓個咕嚕肉，因為依啲嘢整得好唔好食一食就知道叫咗王老吉同埋白飯，成間舖得我一個，因為咁啱6:00未到好多人食飯嘅時間，所以好快就有嘢食。 見到佢有誠意嘅，用新鮮菠蘿，不過冇青椒洋蔥，簡簡單單，唔知用咗蜜糖定係麥芽糖，有拉絲，食落去有少少甜，但係肉質就幾好食幾脆，冇出邊啲茶餐廳肥豬肉咁樣，我覺得做得唔錯呀，價錢又唔係話好貴嘅，成餐夾埋135元，好飽！

一向住開元朗好耐，返工亦都係喺元朗，平時同同事都會喺呢間間唔中叫外賣，試過唔差所以今日諗住過去試下佢哋嘅晚餐，過到去就同佢講幾多位，一嚟就耍手擰頭話無位🤷🏻‍♀️ok無問題然後問佢大概會等幾耐，跟住就答我哋答你唔到等到就等，然後見到入面有一台已經食完，仲要喺度霸住個位好耐，跟住我哋繼續喺度等完全冇安排，感覺真係好差，其實唔憂做可以岀聲，使唔使咁嘅態度？以後都會叫我身邊嘅朋友同事永不幫襯😊就算幾好食都冇用，大家如果鍾意受氣嘅話，不妨去幫襯試吓

生日月 🌈 朋友請食飯 本身諗住簡單啲 喺樓下酒樓食嘅 點知朋友之前試過話呢間好食，跟住建議嚟呢間 好啦😁🤭 朋友提前喺街市買咗龍蝦同埋花螺過去加工仲叫咗個前菜麻辣牛𦟌 不過唔記得影相 麻辣牛腱你當佢牛肉乾咁樣食 係好食嘅 不過重點之後可以留返嗰個辣嘅醬 之後點其他嘢食都好好食佢哋覺得呢個豆腐幾好食，我覺得都可以嘅 花螺就咁食都好好食嘅小炒王就真係好食👍🏼👍🏼 除咗一般腰果 菜譜 鮮魷 韭菜仲有新鮮蝦🫨 👍🏼👍🏼👍🏼 再嚟「一斑兩味 」個魚塊好香呀，煎得😍 炆魚嗰個呢就食唔晒，所以我就拎咗返屋企第日都好食嘅最尾呢個重頭戲 龍蝦芝士伊麵係超級好食！當然係我朋友揀啲龍蝦都好大隻啦 所以啖啖肉🤣 仲要係之後又再焗一焗唯一挑剔嘅就係個伊麵味道爭少少

下午隨便找了間茶餐廳坐下來，想不到有驚喜。翻一翻餐牌，看看有什麼好吃，最後點了麵醬茄子斑腩煲，盛惠58元。點好菜後，伙記奉上一碗老火靚湯，味道相當不錯，不是一般的味精湯。不久，我的班腩煲就到了，班腩炸得脆口，伴著麵醬香，真惹味，茄子煮得軟淋，又是下飯佳品，想不到小小茶餐廳也有如此高質素。結帳後步出茶餐廳門口，轉身一看門口菜單，原來有承包私房菜，怪不得有如此功架。

大排檔是香港特色，好多以前特色嘅大排檔都搬到去鋪位，今日特登走去元朗去食呢隻脆卜卜鹽焗雞，用上走地雞, 肉質煙韌有雞味, 皮香脆, 仲有炒麵, 龍躉球，豆腐，每一道菜都有鑊氣，而且不收加一。

今日第一次嚟到呢間飯店吃飯，這都是朋友介紹的😍😍我哋五點入去叫咗六個餸，估唔到呢度有酸菜魚叫，未至於勁好食，但全盆食哂應該都係很好喇掛👍小炒王係非常之出色，有脆魚仔一齊炒，炒得夠乾身👍送啤酒一流仲有一個太極骨呢個餸完全是兩個餸一様，一個價錢兩個餸🤣全清👍👍仲有一個豬手皮夠脆肉身嫩滑👍👍仲有一個自己豆腐，好滑，必叫😝😝仲有一個簡簡單單嘅蒜蓉豆苗，圓滿🥳下次收咗工會再來食，吾使同人迫🤣🤣

無禮貌， 態度惡劣，份量少得可憐！ 今日中午點了2 碟餸， 之後等咗20分鐘都未嚟， 所以催了2 次， 之後其他食客一點完好快有仲快有，好明顯漏單， 不知是否再催嘅緣故，到來的食物比平時少好多！ （食物質素又差咗好多，d 咕嚕肉又硬又粉） 佢哋漏咗單一句唔好意思都無講，仲要特登將個份量比少咗， 態度極度惡劣， 仲唔覺得自己有問題， 可以唔使再去！ 無下次！

昨天朋友生日約左朋友去圓老爺食晚餐，來過無數次這里吃飯，但百食不厭！我們叫左每次必食的幾個小菜:酸菜魚，炸猪手，最喜歡皮脆肉香的炸猪手配上酸姜，開胃又好味！小炒王也是下酒好菜，還有名醬自家制豆腐，一定要吃，好味衹此一家！欖菜瑤柱菜粒蛋白炒飯也炒得很好，沒有多余的油份，飯粒軟硬適中，太極鴛鴦骨也做得不錯，特別喜歡咕嚕骨的酸甜味道。還有那個炸蝦也是很好味，朋友最喜歡吃炸蝦球下面的飯焦，又香又脆！魚香茄子略嫌油多了點！但是一餐飯還是吃得心滿意足，捧着肚子走