十二味 (香港仔中心4期)

营业中

休息中

午餐时间又出香港仔觅食，同事话想食啲开胃嘢，于是就上openrice睇吓有咩好拣，见到十二味午市套餐几抵，于是就出发去十二味试吓。一去到好好彩，前面无人排，咁啱又有张4人台埋单走人，咁我哋5个就照坐住先，好彩啲位算好坐，5个坐4人位都唔算太逼。落单要scan QR code，我哋叫咗麻辣香锅(田鸡)、回锅肉、口水鸡同埋两份酸菜鱼，碟碟份量都算多，我哋最后都食唔晒。每样都叫咗少辣，我本身唔系特别好食辣嘅都顶得顺，唔算太辣，每道菜都好开胃滋味，鱼嘅份量都唔会话少过酸菜好多，算系抵食。唯一要弹就系跟餐送嘅柠檬茶系唔冻嘅，真系有冇搞错，食辣嘢无杯冻嘢饮真系好难顶。食到咁丰富，最后埋单都系每人$72，川菜嚟讲真系算好抵，下次绝对可以再帮衬。