牛八涮涮鍋專門店 (已結業)

虽然呢间系连锁式打边炉店，但系听朋友讲性价比都好高，所以今日lunch 就试一试佢！我拣左最平嘅放题：$108加一，有基本嘅猪牛鸡，同埋出面自助夹其他配菜。汤底就拣左寿喜烧，佢会比埋只鸡蛋你！呢度嘅火锅系一人一锅，就算同朋友想食嘅汤底唔同都冇问题！首先，佢一定会比猪牛鸡各一碟比你食先，之后想食几多就再追加！个牛就咁烚完食好普通，但系烚完点蛋酱黎食就好滑好好食个猪反而有惊喜，好味唔会鞋口！之后出面自助配菜有好多蔬菜类，食寿喜烧当然加番d索汤嘅菜：有大葱、洋葱、娃娃菜、萝白、粟米，索哂个汤底，好甜好正！另外仲有芝士肠，豆腐都好食！$100几蚊打边炉有咁多野食真系好抵！