汐

营业中

休息中

今日喺铜锣湾行街，知道百乐中心多嘢食，所以谂住喺𠮶度食午餐。楼下见到有人派传单系一间新开日式丼饭专门店-汐，午饭时候50分钟交枱，仲有七五折，价钱都唔算贵，决定试吓支持吓小店！餐厅环境好舒适，虽然唔算大，但有日式氛围，仲可以坐日式榻榻米茶桌，系几休闲嘅感觉。原条蒲烧鳗鱼丼饭鳗鱼好厚身好大条，非常肥美，入口淡淡鱼油香。底下仲有煎得厚身嘅滑蛋，应该加了一些上汤一齐煎，所以带有些少甜和鲜香。鳗鱼加上劲多木鱼碎，更增添口感。酱油渍角切三文鱼配酱烧三文鱼腩丼物卖相非常吸引，配料非常丰富。分别有角切三文鱼，中华沙律，粟米粒，蟹籽，香葱等等。角切三文鱼带有些少酱油香，整个饭唔使加豉油都够味，几好食。烧三文鱼腩经过炙烧，带点香脆，鱼油丰富，油脂喺嘴里溶化，好香口。将所有材料混在一起有点像夏威夷poke bowl，好味！Sangaria提子汽水呢个牌子嘅汽水系唔错的！餐厅都好贴心，上菜后先计时50分钟交枱，所以唔会好赶急，对于上班人士来说，绝对有足够时间享用。