影片
更多
2023-04-16
96 浏览
两三年前想揾间午市火锅都难，港九新界一只手数得晒。但而家一街都系，出转旺角随时十间八间，逐间试都有排试。呢个现象反映两个可能：1. 香港人真系好钟意打边炉，晚市都唔够，仲要打埋晏昼。2. 生意难做，晚市冇生意连午市都照杀。今日见到社交媒体广告，呢间叫花椒子做紧午市120分钟任食火锅，特价$148，仲要免加一。择日不如撞日，就去试试佢。1:15 去到门口，问阿姐系咪有$148呢个餐，佢竟然唔知，话要问经理。经理出嚟话原来要去唔知边个网页度买飞然后隔日再去先系$148，正常就$158。争十蚊啫吓话，我都懒得搞，㩒嚟㩒去都蚊瞓，一阵㩒错掣仲麻烦，贵十蚊就贵十蚊啦，我秒秒钟几十万上落都唔争在，最紧要唔好烦到阿叔。餐厅喺地牢，落到去见到啲装修都几新潮，好重霓虹光管元素，充满 cyberpunk 味道。门口对住系一个小型 music stage，更加令佢似酒吧多过似火锅店。系咪大时大节会有 live band？系嘅话一路饮住酒一路听歌都唔错。而家晏昼流流当然冇 live music，不过喇叭都大大力播紧欧西流行曲，仿酸枝枱凳中国风唐餐馆播鬼佬rock，呢重反差大异其趣。望匀全场，只有一枱两个客喺度
今日见到社交媒体广告，呢间叫花椒子做紧午市120分钟任食火锅，特价$148，仲要免加一。择日不如撞日，就去试试佢。
1:15 去到门口，问阿姐系咪有$148呢个餐，佢竟然唔知，话要问经理。经理出嚟话原来要去唔知边个网页度买飞然后隔日再去先系$148，正常就$158。争十蚊啫吓话，我都懒得搞，㩒嚟㩒去都蚊瞓，一阵㩒错掣仲麻烦，贵十蚊就贵十蚊啦，我秒秒钟几十万上落都唔争在，最紧要唔好烦到阿叔。
餐厅喺地牢，落到去见到啲装修都几新潮，好重霓虹光管元素，充满 cyberpunk 味道。门口对住系一个小型 music stage，更加令佢似酒吧多过似火锅店。系咪大时大节会有 live band？系嘅话一路饮住酒一路听歌都唔错。而家晏昼流流当然冇 live music，不过喇叭都大大力播紧欧西流行曲，仿酸枝枱凳中国风唐餐馆播鬼佬rock，呢重反差大异其趣。
望匀全场，只有一枱两个客喺度食紧，食到一半再有一个单客，加埋我成个午市做四个客，出粮都唔够。午市高峰时间都如此惨淡，真阴功。
侍应安排我坐低，我叫咗呢个$158套餐，包基本猪牛羊，汤底要药膳鸡煲，好彩冇乜药材味。
个场冷清系冷清咗啲，不过人少少作为食客都有好处，起码侍应都attentive 啲，出餐收碟加汤都照顾周到，以香港现今嘅服务水平嚟讲算系好高分。
佢冇设自助区（酱料除外），所有食物饮品都系剔纸仔。
一个人唔食得太多，只系叫咗以下呢啲：
肥牛：肥瘦适中有肉味
猪肉：比较鞋，冇乜味
羊肉：偏瘦，少许羊味
云吞：大粒皮薄，似新鲜包起
炸鱼皮：全部完整大大块，冇碎湿湿，够香脆
午餐肉：厚切靓火腿午餐肉，口感一流
牛骨髓：正常，不过不失
娃娃菜：少少黄，但都唔老
啲料都新鲜而且有质素，百零蚊算几好。唯一缺点系佢碟头都几大，应该系两人份量，令人感觉佢唔欢迎单客。横掂都系做，点解唔贴心啲，预啲一人份量，啲客试多几味都会开心啲。
喺我进食期间有一对男女被安排坐我隔篱枱，讲晒普通话，应该系自由行。个女人同男人讲乜原来系食火锅，好嘥时间，想食火锅上面大把，我哋走吧。同侍应话唔食了，然后走咗。咁大家就明点解有番自由行个市都仲系咁差，佢哋就算唔踎喺街边食杯面，都只会去快餐店赶喉赶命食个快饭填饱个肚就算，鬼得闲同你食正经饭。大家觉唔觉近排啲自助餐、烧肉、火锅、放题全部做紧特价？一叶知秋啦！
张贴
