瓏門小廚 (已結業)

为咗悭钱，猴子通常都会等到两点半过后先食饭，因为呢个时段大多数舖头都会有平啲嘅下午茶餐。今日嚟到呢间珑门小厨，睇睇餐牌，原来佢哋嘅午市特价餐系由11:00am至4:00pm，以后就算想早少少食饭都可以继续食平啲。猴子叫咗个鱼香茄子餐，HK$46连嘢饮，菜蜜、菊花茶、夏枯草或豆浆系免费嘅，想饮汽水就要加HK$5。另外你亦可以配白饭、菜饭、阳春面或者米线，猴子今次要咗菜饭。值得一赞嘅系厨师够快手，等咗大约十分钟左右就有得食，啱啱炒起嘅茄子，热呼呼，加上茄子嘅鲜紫色，卖相真系一流，食落口亦系香口嫩滑，不过要小心烫亲条脷。至于菜饭就唔系咁够热，菜嘅香味亦渗唔到入饭里面。附送嘅豆浆几滑，不过豆嘅味道就唔系咁明显。