SIAM AI Fresco Dining (已結業)

大半年前黎食过晚市打边炉，当时觉得啲自助泰菜都几正，但款式很少，而且太夜进场食物都差唔多去到尾声。今日晏昼同一班同事黎食brunch，虽然放lunch得一个钟，但绝对够食到饱，唔知系咪第一围到步，个人觉得比晚市更多款，店员亦refill得好快。椰子鸡汤，劲浓劲香椰子味。沙律新鲜芒果糯米饭一定要食，超正！芒果好甜，糯米饭煮得够淋够黏，加上甜甜椰汁无得输。泰式凤爪已去骨，酸辣度刚好，正。仲攞左其他野食，净系食自助bar已超正。主菜之一的炒金边粉，够镬气。主菜之二海南鸡饭，鸡件滑溜已去骨，个酱汁好味，唯油饭较干身唔够油㖞。仲叫左其他主菜，挂住食唔得闲影相了