緣聚 (已搬遷) 新店位置

抵食日式放题（$68）今次再同大家介绍$68放题，冇睇错啊，只系$68。午市相对晚市抵食好多，$68可以食到前菜、寿司、天妇罗、卷物、手卷、熟食、面饭乌冬等等。起初司令都冇抱太大期望，心谂多数都系伏啦，点知，几有惊喜㖞！质素唔错，而且上菜都几快，冇漏过单，炸物件件新鲜热辣辣，特别要提嘅系呢度仲有炸蚝食架！次次去到板长都冇得食，今次就满足返司令嘅欲望。前菜份量大，点几多比到几多。寿司饭都几大旧，不过性价比系好高既。刺身都算甜，不过甜虾有几只唔多新鲜。热辣辣既天妇罗，最正系佢比够沙律酱。第二轮既刺身。如果要食其他野，可以另外加钱，都系任食架，+$5饮品、+10甜品、+18扒类、+48刺身，刺身摆得唔算太靓，不过连三文鱼腩都有得叫㖞😳。如果多人食可以直接叫$148套餐，就乜都有得食，所有野全包。环境几好，坐得好舒服，有沙发位，唔会话坐得好逼。员工态度都几好，虽然冇咩笑容，但一叫即到，上菜非常快。