大圍小館

营业中

休息中

好开心喺母亲节正日食到大围小馆💜 餐厅好用心布置咁用dusty pink气球喺墙上拼出「Happy Mother’s Day」供客心拍照留念，又会向每枱母亲送上一朵针织嘅康乃馨（手工好好，比鲜花更有纪念价值）。入正题，因为我哋系食午市，所以可以叫哂点心同小菜。菜单上面有好多冇见过，或者好少喺连锁酒楼食到嘅点心，譬如糯米包、牛肉饺、熨斗咁大嘅沙翁、陈皮豆沙煎堆仔等等。如果肚皮空间有限，建议坐低先点沙翁因为好快卖晒、我都冇机会食到）；另外必点糯米包、陈皮豆沙煎堆仔、炸春卷同眼泪奶皇包，味道喺第二度食唔到，而且做得好出色。主菜方面，虾头膏炒饭炒得粒粒金黄、够干身；干炒牛河有镬气，但味道唔算特别有记忆点；本来以为一份叉烧得五件好少，点知每件大大嚿肉，几特别不过味道比期望有落差，平常心去品尝应该会更享受。食物整体调味适中，味道唔会好似一般茶楼咁狂落味精、或者偏咸或油，连老人家食完都点头赞好，就知道大围小馆有料到，冇因为得到米芝莲推介后就质素变差。除咗美食以外，更值得一赞嘅系侍应嘅服务态度。虽然用餐当日系母亲节，餐厅满座，但大部份侍应都好主动帮手，不时会嚟睇吓使唔使加水。当中最亮眼嘅系著黑色恤衫嘅