喜善中餐廳 (已結業)

因为屋企人要去9 展睇野, 所以就顺道去喜善食个lunch啦~宜家做紧午市88折。所以好似比上一次黎多人好多。呢到最好系无咩人, 唔洗等位,大把位俾你任拣。同埋呢到d 野食, 佢话系唔用味精既, 不过我唔识分有无味精。 佢有好多小菜,点心做特价, 我地3 个人叫左4样野~1)$10 上汤鲜竹卷, 有3条, 料系多菜小肉, 感觉比较健康, d 上汤唔油, 食完仲可以饮几啖。2)赛磅蟹, 好抵, $38咋, 个样睇得, 食落仲好得, $38仲有几只带子嫁。3)海鲜蕃茄炒面 $40咋, 但原来炒面, 系个面饼炸左, 好似平时罗汉斋炒面咁, 所以比较油啰, 但个味道好好, 唔系好腻, 个汁配得好好, 仲好细心把面饼分左4份, 方便一人一份。4)甜品--芋蓉紫米糍, 唔系好甜, 出面个皮系用紫米做既, 好香紫米味, 入面有芋蓉, 以为好会好腻, 又唔系哦, 好好食呀! 又特别, 出面好少食得到!虽然系88折.但我觉得呢到d 点心贵左d, 小点都16蚊, 仲要小点系好小野拣, 所以食小菜系抵食好多!因为挂住食,唔记得影相, 所以鲜竹卷同炒面就无相俾大家睇啦~最后埋单$12x, 算抵啦~