糖佰府 (已結業)

好耐冇系晏昼食甜品！今次食饱饭之后就拣咗附近嘅甜品店试一下，尤其是呢排冻冰冰最啱食甜野暖下胃。芒果拿破仑拣拿破仑嘅原因系因为非常之钟意食佢脆扑扑嘅饼，再配上适当嘅糖浆同埋水果，凸显出饼同埋水果嘅配合。法式肉桂苹果批之后就系法式嘅苹果酥，讲真出边食正式嘅苹果酥真系好贵，同埋手势都未必会好正宗。但系呢一间甜品舖就新鲜焗左大约20分钟出炉嘅，苹果酥外脆内软，仲食到一片片的苹果，配上云呢拿雪糕真系一大享受！无花果雪梨炖海底椰最尾就要食返个中式糖水，由其是呢排冬天最啱食海底椰炖一润喉，呢一个系新鲜煮出嚟嘅海底椰，唔会太甜但系唔会太淡，啱晒冬天润喉暖胃之用。