茶寮 京都仁王門

营业中

休息中

📍食咗咩？- 28辛京都风咖喱 吉列猪扒定食 $88- 28辛京都风咖喱 吉列广岛蚝定食 $88先讲跟餐有咩啦。定食会有一杯冷茶同埋味增汤。里面加咗两片萝白，但个汤咸到肾亏，饮咗1/3就无饮，跟餐嘅茶都几唔好饮，口渴嘅话建议都系应该加钱饮特饮。黎到主角28辛咖喱：无咩特别。声称用咗28种香料烹调嘅咖喱——完全食唔出个种层次系印象中个种日式咖哩，开粉，唔辣唔辛有咸有甜，兼有红萝卜。蛋包饭：系蛋盖白饭。蛋本身炒得ok，非常滑身，不过蛋本身无咩调味（可能预你捞味增汤食😂），白饭嫌过湿，食唔到粒粒嘅口感。朋友仔系食吉列广岛蚝，个蚝好食过吉列猪扒，起码有蚝味。个吉列猪扒完全无猪味，个炸浆同肉系分开两层，口感麻麻地。总结：坐得算舒服，可能甜品会比较吸引，但想食咖哩吉猪嘅话，分分钟茶餐厅整得仲好味，唔会特别再帮衬。