影片
更多
2011-12-01
428 浏览
有啲嘢要拎返比亲戚，所以走了去长沙湾保安道一带，想起亲戚话保安道市政大厦（即系街市上面）熟食中心有档好抵食嘅茶餐厅，就上去睇个究竟。市政大厦内嘅熟食中心环境唔使我多形容，大家大概都知，依家嘅熟食中心环境好好多，无话污糟躐蹋，仲铺晒地砖，干净企理，光猛明亮。一出电梯，就一眼睇晒成个场，因为档口唔多，两间茶记，一间小炒，一间食日本嘢，但客人就唔少㖞。而亲戚口讲介绍嘅叫「开心茶餐厅」，系晌最入面𠮶间，相对人气较细，唔知系咪位置输蚀咗。墙上贴咗好多推介，有经济客饭套餐，有蒸𩠌套餐，仲有午市特价快餐、各式炒粉饭面，都食廿零蚊就有交易，真系开心价。最后，我拣咗「开心快餐」，依日有三款：茄汁猪扒意、菠萝排骨饭、干炒肉片面，包例汤或热饮，都系卖$20。我要咗菠萝排骨饭，碟头饭，份量唔细，仲系睇住老细即炒添，因为一眼望入去就系个厨房位。排骨唔肥，肉质松软，配料有菠萝、又有青椒，一啲都唔行货。本来我就跟餐叫咗奶茶，但疑似事头婆嘅阿姐就醒多碗霸王花例汤过我，话饭市都差唔多完，都应该无乜人架啦，真系识趣㖞，望佢生意长做长有，越做越好啦。碟饭唔差，又私人醒咗碗例汤，奶茶都OK㖞，几香茶味，仲要只系廿鸡，你仲想点
市政大厦内嘅熟食中心环境唔使我多形容，大家大概都知，依家嘅熟食中心环境好好多，无话污糟躐蹋，仲铺晒地砖，干净企理，光猛明亮。一出电梯，就一眼睇晒成个场，因为档口唔多，两间茶记，一间小炒，一间食日本嘢，但客人就唔少㖞。而亲戚口讲介绍嘅叫「开心茶餐厅」，系晌最入面𠮶间，相对人气较细，唔知系咪位置输蚀咗。
墙上贴咗好多推介，有经济客饭套餐，有蒸𩠌套餐，仲有午市特价快餐、各式炒粉饭面，都食廿零蚊就有交易，真系开心价。最后，我拣咗「开心快餐」，依日有三款：茄汁猪扒意、菠萝排骨饭、干炒肉片面，包例汤或热饮，都系卖$20。
我要咗菠萝排骨饭，碟头饭，份量唔细，仲系睇住老细即炒添，因为一眼望入去就系个厨房位。排骨唔肥，肉质松软，配料有菠萝、又有青椒，一啲都唔行货。本来我就跟餐叫咗奶茶，但疑似事头婆嘅阿姐就醒多碗霸王花例汤过我，话饭市都差唔多完，都应该无乜人架啦，真系识趣㖞，望佢生意长做长有，越做越好啦。碟饭唔差，又私人醒咗碗例汤，奶茶都OK㖞，几香茶味，仲要只系廿鸡，你仲想点？过开嚟都会再帮衬！
张贴
